प्रेयसीला भेटायला जाणे युवकास पडले महागात.. – तरुणीकडील मंडळींनी धो-धो धुतले..

भंडारा :-हल्ली सगळीकडेच आंब्याच्या झाडाला जसे बार फुलून येते,त्याप्रमाणे प्रेम-प्रकरणे बहरून येऊ लागले आहेत.त्यामुळे भेटी-गाठी होणे साहजिकच आहे.अशातच नुकतेच दोन दिवसांपूर्वी प्रेयसीला भेटायला गेलेल्या तरुणास तरुणीकडील मंडळींच्या लक्षात येताच मोठ्या रोषाला सामोरे जावे लागले आहे.सदरची घटना भंडारा जिल्ह्याच्या मोहाडी तालुक्यातील आंधळगाव पोलिस स्टेशन हद्दीत घडली.

माहितीनुसार,मोहाडी तालुक्याच्या वडेगाव येथील एका तरुणीला भेटण्यासाठी जवळीलच हरदोली येथील प्रियकर मंगळवारी सायंकाळी गावात पोहोचला. मात्र,तरुणीकडील परिवारास या प्रकाराची कुणकुण लागताच,तिचे भाऊ,वडील व काही नातेवाइकांनी या तरुणाला चांगलाच धो-धो धुतला.मार खाऊनही बदनामीच्या भीतीपोटी पोलिसांत तक्रार झाली नसल्याची माहिती आहे.त्यातच प्रियकराला धो-धो धूने  सुरू असतांना कुणीही मध्यस्थी करण्यासाठी अथवा वाचविण्यासाठी मध्ये पडले नाही.यामुळे त्याची सर्वांनी चांगलीच धुलाई केली.त्यानंतर,प्रियकराने आपल्या गावातील काही मित्रमंडळींना हा प्रकार कळविला. त्यानंतर हरदोली येथील काही मित्रमंडळींनी त्याच्या मदतीसाठी धाव घेतली व त्याला घेऊन ते निघून गेले.भंडारा येथील खाजगी रुग्णालयात उपचार घेऊन त्याला घरी नेण्यात आले व प्रकरणावर चुप्पी साधण्यात आली असली तरीही गावात चर्चेला उधाण आले आहे.