उद्याला आदिवासी विकास मंत्री प्रा.अशोक उईके गडचिरोलीत…

गडचिरोली :-आदिवासी विकास मंत्री प्रा.अशोक उईके हे उद्या,शुक्रवार २५ व शनिवार २६ एप्रिल २०२५ रोजी गडचिरोली जिल्ह्याच्या दौऱ्यावर येत असून,या दौऱ्यात विविध विकासकामांचा आढावा घेतला जाणार आहे.

उद्या,शुक्रवार २५ एप्रिल रोजी सायंकाळी ५ वाजता मंत्री प्रा.अशोक उईके हे जिल्हाधिकारी कार्यालय, गडचिरोली येथे जिल्हा प्रकल्प कार्यालय तसेच आदिवासी विकास महामंडळ अंतर्गत राबविण्यात येणाऱ्या धान खरेदी योजनेचा व इतर विकासकामांचा सविस्तर आढावा घेणार आहेत.

शनिवार २६ एप्रिल रोजी सकाळी ९ ते १० वाजेच्या दरम्यान,अहेरी येथील विश्रामगृहात आदिवासी विद्यार्थी व महायुतीच्या पदाधिकाऱ्यांशी विविध विषयांवर चर्चा करतील.त्यानंतर सकाळी १० ते १२ दरम्यान एकात्मिक आदिवासी विकास प्रकल्प,अहेरी येथे प्रकल्प कार्यालय तसेच धान खरेदी योजनेचा आढावा घेतला जाईल.दुपारी १ ते ३ या वेळेत ते एकात्मिक आदिवासी विकास प्रकल्प,अहेरी येथे आयोजित लाभार्थी संमेलनात सहभागी होतील आणि त्यानंतर दुपारी ३ वाजता त्याच ठिकाणी पत्रकार परिषदेला संबोधित करतील.