प्रेमसंबंधातून मारहाण केल्याने तरुणाची गळफास घेऊन आत्महत्या..

गोंदिया :-बहिणीसोबत असलेल्या प्रेमसंबंधाला घेऊन भावाने मारहाण करून धमकी दिल्याने तरुणाने गळफास लावून आत्महत्या केली असल्याची घटना रामनगर पोलिस ठाण्यांतर्गत शहरातील विजयनगर परिसरातील भगतसिंग वॉर्ड येथे बुधवारी ८ जानेवारीच्या सायंकाळी घडली.रितिक भीवराम क्षीरसागर वय २५ वर्षे,रा.विजयनगर,भगतसिंह वॉर्ड असे मृत तरुणाचे नाव आहे.

रितिकचे मोहल्ल्यातीलच एका तरुणीसोबत प्रेमसंबंध होते.याबाबत मुलीच्या भावाला माहिती पडले व त्याने रितिकला मारहाण करून धमकी दिली होती.यावरून रितिकने बुधवारच्या सायंकाळी ७ वाजेच्या दरम्यान आपल्या राहत्या घरी गळफास घेऊन आत्महत्या केली.फिर्यादी भीवराम भोजराज क्षीरसागर वय ५२ वर्षे,रा.विजयनगर यांच्या तक्रारीवरून पोलिसांनी मार्ग नोंद केला आहे.