पोलीस कर्मचारी सुशील रामटेके यांचा पालकमंत्र्यांच्या हस्ते सन्मान…

गोंदिया :-नुकतेच महाराष्ट्र दिनाचे औचित्य साधून

गोंदिया जिल्ह्यातील महाराष्ट्र पोलीस दलामध्ये उत्तम कामगिरी तथा सेवेबद्दल पोलीस अधिकारी व पोलीस अंमलदारांचा पालकमंत्र्यांच्या हस्ते सन्मान करण्यात आला.यात अतिदुर्गम,आदिवासी व नक्षलग्रस्त गोंदिया जिल्ह्याच्या अर्जुनी-मोरगाव तालुक्यातील पोलीस स्टेशन केशोरी येथील सुशील रामटेके यांनी पोलीस विभागात उत्कृष्ट व अतुलनीय कार्य केल्याबद्दल गोंदिया जिल्ह्याचे पालकमंत्री बाबासाहेब पाटील यांच्या हस्ते महाराष्ट्र पोलीस दलातील सर्वोच्च पदक असलेले महासंचालक सन्मान चिन्ह १ मे महाराष्ट्र दिनी प्रदान करून सन्मानित करण्यात आले.सन्मान प्रसंगी गोंदियाचे पोलीस अधीक्षक गोरख भामरे,अप्पर पोलीस अधीक्षक नित्यानंद झा,माजी आमदार तथा डिस्ट्रिक्ट को-ऑपरेटिव्ह बँकेचे अध्यक्ष राजेंद्र जैन,जिल्हा परिषद अध्यक्ष लायकराम भेंडारकर हे उपस्थित होते.सुशील रामटेके यांनी अतिशय दुर्गम भागातील पोलीस स्टेशन येथे काम करतांना केशोरी पोलीस स्टेशनचे ठाणेदार गणेश वनारे यांच्या नेतृत्वाखाली शासनाच्या योजनांची माहिती जनतेपर्यंत पोहोचविणे,सामाजिक उपक्रम व इतर सामाजिक कार्यांमध्ये सक्रिय सहभाग नोंदवून सेवा कर्तव्य बजावले आहे.एक उत्तम सुस्वभावी,शांत, मनमिळावू व आपल्या विभागाशी सलोख्याचे संबंध निर्माण करणारे सुशील रामटेके असे त्यांचे व्यक्तिमत्व असून केशोरीचे सरपंच नंदकुमार पाटील गहाणे,जिल्हा परिषद सदस्य श्रीकांत घाटबांधे,घनश्याम धामट पंचायत समिती सदस्य,माजी अर्थ व बांधकाम सभापती प्रकाश पाटील गहाणे,अनिल लाडे,योगेश नाकाडे राष्ट्रवादी नेते,चेतन समरीत व मित्र परिवांनी रामटेके यांचे अभिनंदन केले आहे.