उद्रेक न्युज वृत्त
पोटगांव(देसाईगंज) :-औद्योगिक प्रशिक्षण संस्था देसाईगंज तर्फे राष्ट्रीय सेवा योजनेतर्फे पोटंगाव येथे निवासी श्रमसंस्कार विशेष शिबिराचे आयोजन दिनांक- ५ मार्च रोजी करण्यात आले.
सदर शिबिरामध्ये देसाईगंज येथील ताज कम्प्युटरचे संचालक अमित अंसारी यांनी युवकांनी आयटीआय करून स्वयंरोजगाराची व उद्योगाची कास धरावी; असे मोलाचे मार्गदर्शन केले.पंकज लाडे नेहरू युवा केंद्र तालुकाध्यक्ष देसाईगंज यांनी सायबर क्राईम व पोक्सो कायदा याविषयी मार्गदर्शन केले.प्रत्येकाने जीवनात सत्याचे शोधन करून संत व महामानवाचे विचार घ्यावे व स्पर्धेच्या युगात अभ्यास व परिश्रमाने जीवन उज्वल करावे; असे मौल्यवान मार्गदर्शन विजय बन्सोड(सामाजिक कार्यकर्ते) यांनी केले.
सदर कार्यक्रमास मुख्य अतिथी म्हणून पंकज वंजारी (उपसरपंच),सुरेश एस.चौधरी प्राचार्य व रविकांत गोतमारे(गटनिदेशक)यांच्या मार्गदर्शनात सदर शिबीर आयोजीत करण्यात आले आहे. सदर कार्यक्रमाचे प्रास्ताविक सी.एम.गरमळे रासेयो मुख्य समन्वयक यांनी केले.तर कार्यक्रमाचे सूत्रसंचालन प्रणय राऊत रा.से.यो.चे प्रशिक्षणार्थी प्रतिनिधी यांनी तर आभार प्रदर्शन कु.सानिया पठाण रा.से.यो.प्रशिक्षणार्थी प्रतिनिधी यांनी केले.सदर कार्यक्रमाचे अध्यक्ष श्रीमती एम.एस जाधव गटनिदेशिका होत्या.कार्यक्रम यशस्वी करण्याकरिता श्री.व्ही.वाय.नागमोती एन.एस.एस. सह समन्वयक ए.व्ही.भोले,सी.डी.समर्थ,कुमारी क्षमा बोंद्रे,कु.मेघा चौदंते,एस.ए.पिलारे,एच.एस.मरसकोले, तसेच रात्री गावकऱ्यांच्या मनोरंजनाकरिता सांस्कृतिक कार्यक्रम आयोजित करण्यात आला. विजय दडमल (सरपंच पोटगाव) यांनी उद्घाटन करून सांस्कृतिक कार्यक्रम सुरू करण्यात आले.शिबिरातील सर्व स्वयंसेवक व गावकऱ्यांनी कार्यक्रमास सहकार्य केले.
