पिकप वाहन उलटला; जीवितहानी टळली..

भंडारा :-मध्यप्रदेशच्या बोनकट्टा येथून मासे वाहतूक करणारा एक पिकप वाहन भंडाराकडे  जात असतांनाच तुमसर-कटंगी आंतरराज्यीय महामार्गावर पहाटे चारच्या सुमारास पवनारा पुलाजवळच्या वळणार अनियंत्रित झाल्याने उलटला.सुदैवाने जीवितहानी टळली,मात्र वाहनाचे मोठ्या प्रमाणात नुकसान होऊन चालकास किरकोळ जखम झाली.एमएच ४० सीटी ५३८५ क्रमांकाचा पिकप वाहन मासे घेऊन पहाटेच्या  सुमारास बोनकट्टा(मध्य प्रदेश) येथून भंडाराकडे निघाले होते.अश्यातच तुमसर-कटंगी आंतरराज्यीय महामार्गावर वळण असल्याने भरधाव वेगात असलेल्या वाहनावरील चालकाचा ताबा सुटल्याने वाहन अनियंत्रित झाले आणि रस्त्यालगत जाऊन उलटला.चालकाने प्रसंगावधान साधत कसे-बसे वाहनाच्या केबिन मधून निघून सुटकेचा श्वास घेतला.चालक एकटाच असल्याने जीवितहानी टळली.