देसाईगंज : शिवराजपुरच्या निखिल आणि निशांतचा सत्कार समारंभ… – निखिलची सहाय्यक अभियंता पदी तर निशांतची महाराष्ट्र पोलीस पदी नियुक्ती…

देसाईगंज(गडचिरोली):-देसाईगंज तालुक्याच्या शिवराजपुर येथील निखिल सुर्यवंशी यांची सहाय्यक अभियंता पदी तर निशांत कोडापे यांची महाराष्ट्र पोलीस दल येथे नुकतीच नियुक्ती झाल्याने ज्ञानज्योती युवा गणेश मंडळ शिवराजपुर तथा गावातील प्रतिष्ठित नागरिकांसह मित्रपरिवारांच्या वतीने शिवराजपुर येथील गणेश मंडळाच्या व्यासपीठ या ठिकाणी सत्कार समारंभ सोहळा कार्यक्रम पार पडला.

कार्यक्रमाची सुरुवात गणेश वंदनेने करण्यात आली.

त्यानंतर प्रमुख पाहुण्यांच्या हस्ते निखिल आणि निशांत यांचा सत्कार करण्यात आला.यावेळी त्यांच्या उल्लेखनीय कार्याबद्दल आणि समाजातील योगदानाबद्दल गौरोदगार काढण्यात आले.गावातील तरुणांसाठी ते आदर्श ठरले आहेत; असे उपस्थित मान्यवरांनी सांगितले.सत्कारानंतर निखिल आणि निशांत यांनी आपले मनोगत व्यक्त केले आणि उपस्थितांचे आभार मानले.त्यांनी आपले कार्य पुढेही  समाजसेवेत ठेवण्याचे आश्वासन दिले.गणेश मंडळात झालेल्या या सोहळ्यामुळे संपूर्ण गावात आनंदाचे वातावरण होते.