देसाईगंज आदर्श इंग्लिश हायस्कूल तथा कनिष्ठ महाविद्यालयात पर्यावरणपूरक रंगोत्सव साजरा..

देसाईगंज(गडचिरोली):-होळी हा सण एक आनंद आणि उत्साहाचा सण आहे.जे प्रेम,मैत्री,आणि नवचैतन्याचे प्रतीक आहे.दृष्ट प्रवृत्ती,अमंगल विचार यांचा नाश करून चांगली वृत्ती, चांगले विचार अंगी बाळगावे हा या सणामागील उद्देश असतो.अश्या या पावण सणानिमित्य आज,गुरुवार १३ मार्चला देसाईगंज आदर्श इंग्लिश हायस्कूल तथा कनिष्ठ महाविद्यालयात प्रेम आणि उत्साहाने पर्यावरणपूरक रंगोत्सव सोहळा नैसर्गिक रंगनिर्मिती करून साजरा करण्यात आला.या रंगोत्सव सोहळा  कार्यक्रमास अध्यक्ष म्हणून महाविद्यालयाचे प्राचार्य प्रा.डी.डी.शिंगाडे,प्रमुख पाहुणे म्हणून उपमुख्याध्यापिका एस.पी.प्रधान,पर्यवेक्षिका डी. व्ही.चौहाण,प्रा.एस.आर.शर्मा,प्रा.व्ही.यु.सयाम,एस.ए. कवासे,कु.जे.ए.लांजेवार,नरेंद्र बरडे ( प्रयोगशाळा सहा.) उपस्थित होते.आजचा हा रंगोस्तव सोहळा महाविद्यालयचे जेष्ठ शिक्षक आर.जी.मस्के यांच्या नाविन्यपूर्ण संकल्पनातून आणि प्राचार्य डी.डी. शिंगाडे यांच्या मार्गदर्शनाखाली पार पाडण्यात आला. या रंगोत्सव सोहळ्यात पर्यावरणपूरक नैसर्गिक रंगनिर्मिती करण्यात आली.या नैसर्गिक रंगनिर्मितीसाठी बिट,पालक,सांबार,ब्लॅक बेरी, आंबाडी,मुलतानी मिट्टी,काथ,पळसाची फुले,झेंडूची फुले,कडुनिंबाची पाने,हळद,लिंबू,चुना,तांदूळ पिठ व डाळीचे पिठ आणि दुध वापरण्यात आले.गुलाबी रंग बिटपासून,हिरवा रंग पालक,सांबार आणि कडुनिंबची पाने,केशरी रंग पळसाची फुले,कत्था रंग हळद,चुना, लिंबू,पिवळा रंग हळद,डाळी व तांदळाचे पिठ, जांभळा रंग ब्लॅक बेरी,लाल-गुलाबी रंग लाल आंबाडी पासून तयार करण्यात आले आणि पर्यावरणपूरक रंगांपासून रंगोत्सव साजरा करण्यात आला.या सोहळ्या प्रसंगी महाविद्यालयाचे प्राचार्य,प्राध्यापक वृंद,शिक्षक-शिक्षिका,शिक्षकेत्तर कर्मचारी आणि विद्यार्थी यांनी नैसर्गिक आणि पर्यावरणपूरक रंग खेळून रंगोत्सव साजरा केला.प्रसंगी महाविद्यालयाचे प्राचार्य यांनी समस्त जनतेला आपण सुद्धा पर्यावरणपूरक आणि नैसर्गिक रंगांनी रंगोत्सव साजरा करावे,असे आवाहन केले.