दुकानाचा पोर्च कोसळला; सिमेंट मलब्याखाली दबून युवकाचा मृत्यू..

नागपूर :-दुकानाच्या पोर्चमध्ये काहीकाळ उभ्या असलेल्या युवकाचा अचानकरित्या एक पोर्च कोसळल्याने सिमेंट मलब्याखाली दबून मृत्यू झाल्याची घटना आज,गुरुवार २ जानेवारीच्या सकाळी ७.३० वाजे दरम्यान नागपूरच्या गणेशपेठ परिसरातील गंगा अपार्टमेंटमध्ये घडली.अजय अशोकराव इंगळे वय ३५ वर्षे,रा.चांदणी कोकडा,जि.वर्धा असे मृत युवकाचे नाव आहे.

परिसरातील नागरिकांकडून घटनेची माहिती मिळताच कॉटन मार्केट अग्निशमन दलाची गाडी तातडीने घटनास्थळी पोहोचली.अग्निशमनच्या जवानांनी पडलेला मलबा बाजूला करून संबंधित युवकाला बाहेर काढले व तातडीने मेडिकल रुग्णालयात दाखल केले.डॉक्टरांनी तपासणी अंती युवकास मृत घोषित केले.पोर्चचा सिमेंट मलबा युवकाच्या अंगावर पडल्याने त्याचा सिमेंट मलब्याखाली दबून मृत्यू झाल्याचे निष्पन्न झाले.