टिप्परची दुचाकीला धडक; ११ वर्षीय मुलीचा जागीच मृत्यू तर दोघे जखमी..

भंडारा :-जिल्ह्याच्या मोहाडी तालुक्यातील वरठी गावाजवळ दुचाकीला टिप्परने धडक देताच धडकेत दुचाकीवरील ११ वर्षीय मुलीचा जागीच मृत्यू झाला तर दुचाकी चालक व एक मुलगा जखमी झाला.सदरची घटना आज,गुरुवारी ६ मार्चला सायंकाळी ७ वाजेच्या दरम्यान घडली.

मोहाडी तालुक्याच्या वरठी गावावरून एकलारी हे गाव एक किलोमिटर अंतरावर आहे.अशातच

वरठी येथुन दुचाकी चालक बालु सेलोकर आपल्या लहान मुलीसह घराजवळच्या मुलाला ट्युशन वरून घरी एकलारी येथे जात असतांना वरठी येथील रेल्वे पुलावर भंडारा कडे जात असलेल्या भरधाव टिप्पर क्रमांक-एम एच ३६ ए जे १०१५ ने दुचाकीला धडक दिली.धडक इतकी जबर होती की,दुचाकीस्वार एकता बालु सेलोकर वय ११ वर्षे राहणार एकलारी,ता.मोहाडी,जि.भंडारा या मुलीचा जागीच मृत्यू झाला,तर दुचाकी चालक तिचे वडील बालु सेलोकर वय ४५ वर्षे व विर कन्हैया मारवाडे वय १२ वर्षे हा मुलगा गंभीर जखमी झाला.अपघातानंतर टिप्पर चालकाने घटनास्थळावरून पळ काढला. अपघातानंतर परिसरातील नागरिकांनी रोष व्यक्त करत गर्दी केली होती.बऱ्याच वेळानंतर पोलीस प्रशासनाने परिस्थितीवर नियंत्रण मिळवत मार्ग मोकळा केला.