चक्क जिल्हाधिकाऱ्यांना तुरुंगात टाकण्याचा आदेश..

बीड :-भूसंपादनातील रकमेचा मोबदला शेतकऱ्यास देण्यात आला नसल्याने काही दिवसांपूर्वी न्यायालयाने

बीडच्या जिल्हाधिकाऱ्यांचे वाहन जप्त केले होते. अशातच आता पुन्हा थेट जिल्हाधिकारी व लघु पाटबंधारे विभागाच्या कार्यकारी अभियंत्यांना कैद करण्याचे आदेश बीड दिवाणी न्यायालयाच्या

न्यायाधीश (वरिष्ठ स्तर) श्रीमती एस.एस.पिंगळे यांच्या न्यायालयाने दिले आहेत.जिल्हाधिकाऱ्यांच्या विरुद्ध न्यायालयाने वॉरंट काढल्याने एकच खळबळ माजली आहे.बीड जिल्ह्यातील शेतकरी राजेश पोकळे यांची जमीन लघु पाटबंधारे विभाग (स्थानिकस्तर) बीड यांनी प्रकल्पासाठी संपादित केलेली होती.त्याचा मोबदला देण्याचे आदेश २०१८ मध्ये देण्यात आले होते.मात्र त्याची पूर्तता झाली नसल्याने प्रकरण न्यायालयात होते.न्यायालयाने याबाबत आज, सोमवारी आदेश काढून १३ लाख १९ हजाराच्या मोबदल्यासाठी बीडचे जिल्हाधिकारी आणि लघु पाटबंधारे विभागचे कार्यकारी अभियंता यांना कैद करून त्यांच्याकडून मोबदल्याची रक्कम भरणा करून घ्यावी,असे वॉरंट बीडच्या न्या.श्रीमती एस.एस.पिंगळे यांनी काढले.वॉरंटची अंमलबजावणी २१ मार्च पूर्वी करावी,असेही त्यात नमूद केले आहे.दिवाणी कैद म्हणजे,एखाद्या व्यक्तीची प्रलंबित रक्कम फेडेपर्यंत तुरुंगात टाकण्याचा आदेश देणे.हे सहसा तेव्हाच घडते जेव्हा कर्जदार न्यायालयाच्या आदेशाचे पालन करीत नाही व अयशस्वी ठरतो.यात ज्याचे पैसे येणे आहेत ती व्यक्ती दिवाणी अटकेची मागणी करते,त्यासाठीचा खाणे पिणे,इतर भत्ता देखील न्यायालयात भरणा करणे.