उद्रेक न्युज वृत्त
मुंबई :- घाटकोपरमध्ये पेट्रोल पंपावर होर्डिंग कोसळून झालेल्या दुर्घटनेत आतापर्यंत ८ जणांचा मृत्यू तर ६९ जण जखमी झाले आहेत.तर ४७ जणांना रेस्क्यू करण्यात आले.जखमींवर राजावाडी रुग्णालयात उपचार सुरू आहे.अनधिकृत होर्डिंग लावणाऱ्या कंपनीविरोधात मुंबई महानगर पालिकेकडून कारवाई करण्यात आली आहे. पालिकेने होर्डिंग लावणाऱ्या कंपनीविरोधात गुन्हा दाखल केला आहे.घटनास्थळावर सध्या मदतकार्य युद्धपातळीवर सुरू आहे.मुख्यमंत्री एकनाथ शिंदे यांनी मुंबई महापालिका आयुक्त भूषण गगराणी यांच्याशी फोनवर चर्चा करून होर्डिंग दुर्घटनेची माहीती घेतली.
घाटकोपरच्या इस्टर्न एक्स्प्रेस हायवेलगत पोलिस ग्राऊंडच्या शेजारी असलेल्या पेट्रोल पंपावर दुपारी साडेचारच्या सुमारास अचानक होर्डिंग कोसळले.मुंबईत आज तुफान वादळ वारा तसेच मुसळधार पाऊस सुरू होता.त्यामुळे वादळी वाऱ्यासह पडणाऱ्या मुसळधार पावसामुळे हे होर्डिंग कोसळले.हे होर्डिंग अनधिकृत होते.या अनधिकृत होर्डिंगप्रकरणी कंपनीविरोधात गुन्हा दाखल करण्यात आला आहे.पालिकेकडून ही कारवाई करण्यात आली आहे.
मुंबई महानगर पालिकेकडून फक्त ४० फूटांचे होर्डिंग लावण्याची परवानगी देण्यात आली आहे.तरी देखील हे १२० फूटांचे होर्डिंग लावलेच कसे? असा संतप्त सवाल नागरिकांनी विचारला आहे. होर्डिंग लावणाऱ्याला यापूर्वीच पालिकेने नोटीस पाठवली होती.घटनास्थळावर बचवकार्यासाठी एनडीआरएफची टीम दाखल झाली आहे.आतापर्यंत ४७ जणांना बाहेर काढण्यात आले आहे.जखमींवर राजावाडी रुग्णालयात उपचार सुरू आहे.मुख्यमंत्री एकनाथ शिंदे यांनी होर्डिंग कोसळल्याच्या
प्रकरणाची दखल घेतली आहे. जखमींवर तातडीने उपचार करण्याचे आदेश मुख्यमंत्र्यांनी दिले आहे. सर्व होर्डिंगचे सर्वेक्षण करून लायसन्स नसणाऱ्यांविरोधात कारवाईच्या सूचना दिल्या आहेत.तसेच मृत्यू झालेल्यांच्या कुटुंबीयांना ५ लाखाची आर्थिक मदत दिली जाणार आहे.
