कौटुंबिक वादातून पतीने पत्नीची चाकूने भोसकून केली हत्या…

बल्लारपूर तालुक्यातील कुडेसावली येथील धनपाल रामटेके व पत्नी वंदना यांच्यात कौटुंबिक कलहातून नेहमीच वाद होत होते.गुरुवारी सकाळी मोठा मुलगा चंद्रपूरला गेला.त्यानंतर काही वेळातच त्यांच्यात पुन्हा वाद सुरू झाला.दरम्यान,वंदना ही भांडे घासत असताना धनराजने धारदार चाकूने तिच्या पाठीत वार केले.घाबरून लगेच मागे वळली असता त्याने पुन्हा चाकू पोटात भोसकला.त्यानंतर हात समोर केला असता हातावरही चाकूने वार केला.रक्ताच्या थारोळ्यात वंदना ह्या जमिनीवर कोसळल्या. शेजाऱ्यांनी तिला कोठारी येथील रुग्णालयात नेले. मात्र,तिची प्रकृती अत्यंत नाजूक असल्याने बल्लारपूर येथे हलविण्यात आले.मात्र,वाटेतच तिचा मृत्यू झाला. याबाबतची माहिती मिळताच कोठारीचे ठाणेदार योगेश खरसान घटनास्थळावर दाखल झाले.त्यांनी घटनेचा पंचनामा करून आरोपी धनपाल रामटेके याला अटक केली.मृत वंदना ही कर्करोगग्रस्त असल्याची चर्चा गावकऱ्यांत सुरू आहे.

वंदना ही घरात भांडे घासत असताना धनपालने तिला चाकूने भोसकले.ती खाली कोसळताच तिला उचलून घरासमोरील रस्त्यावर टाकले.शेजाऱ्यांना याबाबतची माहिती होताच ते तिला वाचवायला गेले.मात्र धनपालने तोच चाकू त्यांच्यावर रोखून धरला.कुणी वाचवायला आले तर त्यांनाही मारण्याची धमकी दिली.त्यामुळे बराच वेळ कुणी तिच्या मदतीला जाऊ शकले नाही.घटनास्थळी नागरिकांची संख्या वाढल्यानंतर काहींनी हिंमत करून तिला कोठारी रुग्णालयात भरती केले.त्यानंतर बल्लापूरला नेत असताना वाटेतच तिचा मृत्यू झाला.