उद्रेक न्युज वृत्त
नागपूर :– नागपूरमध्ये भीषण रस्ते अपघाताची घटना समोर आली आहे.नागपूर जिल्ह्याच्या बुटीबोरी येथे भीषण अपघातात दोन जणांचा दुर्दैवी मृत्यू झाला आहे.या अपघातामध्ये ५ जण गंभीर जखमी झाले आहेत.अपघातातील जखमींना रुग्णालयात दाखल करण्यात आले असून त्यांच्यावर उपचार सुरू आहे.या अपघाताचा तपास नागपूर पोलिसांकडून सुरू आहे.
मिळालेल्या माहितीनुसार,नागपूर जिल्ह्याच्या बुटीबोरी येथे कार आणि ट्रॅक्टरमध्ये भीषण अपघात झाला. वर्धा जिल्ह्यातील रामनगर येथील श्रीवास्तव कुटुंब कारने नागपूरला जात असताना हा अपघात झाला. या कारमधून चालकासह श्रीवास्तव कुटुंबातील ७ जण प्रवास करत होते. बुटीबोरीच्या ओव्हर ब्रिजनंतर या भरधाव कारने ट्रॅक्टरला धडक दिली.हा अपघात इतका भीषण होता की अपघातामध्ये कारचा चक्काचूर झाला आहे.
अपघातामध्ये दोघांचा जागीच मृत्यू झाला.तर पाच जण गंभीर जखमी तर एक जण किरकोळ जखमी झाल्याची माहिती समोर आली आहे.स्थानिक नागरिक आणि बुटीबोरी पोलिसांनी घटनास्थळी धाव घेत जखमींना तात्काळ नजीकच्या रुग्णालयात दाखल केले जखमींमधील ५ जणांची प्रकृती खूपच गंभीर आहे.हा अपघात इतका भीषण होता की कारचा चक्काचूर झाला.कारचे वरचे छत पूर्णत: फाटले आहे.या अपघाताचा तपास बुटीबोरी पोलिसांकडून सुरू आहे.
