उद्याला चंद्रपूर जिल्ह्यात पावसाचे रेड अलर्ट; सर्व शाळांना सुट्टी जाहीर..

चंद्रपूर :-भारतीय हवामान खात्याने वर्तवलेल्या अंदाजानुसार उद्या,शुक्रवार २५ जुलै रोजी चंद्रपूर जिल्ह्यास “रेड अलर्ट” दिलेला असून काही ठीकाणी अत्यंत मुसळधार पाऊस पडण्याची शक्यता वर्तविलेली आहे.त्यामुळे चंद्रपूर जिल्ह्यात कोणत्याही प्रकारची अनुचित घटना घडू नये तसेच अतिवृष्टीमुळे आपत्कालीन परिस्थिती निर्माण झाल्यास त्याचा परिणाम शालेय विद्यार्थ्यांवर होऊ नये,याकरिता चंद्रपूर जिल्ह्यातील सर्व अंगणवाड्या,पूर्व प्राथमिक, प्राथमिक व माध्यमिक शाळा,विद्यालये,महाविद्यालये व खाजगी कोचिंग क्लासेस यांना उद्या,शुक्रवार २५ जुलै सुट्टी जाहीर करण्यात आली आहे.याबाबत चंद्रपूरचे जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ.नितिन व्यवहारे यांनी आपत्ती व्यवस्थापन अधिनियम २००५ मधील कलम ३० (२) (५) व (१८) नुसार प्रदान केलेल्या अधिकारांचा वापर करुन,चंद्रपूर जिल्ह्यातील सर्व अंगणवाड्या,पूर्व प्राथमिक,प्राथमिक व माध्यमिक शाळा,विद्यालये,महाविद्यालये व खाजगी कोचिंग क्लासेस यांना सुट्टी जाहिर केली असून नागरीकांनी भारतीय हवामान खात्याने वर्तवलेल्या अंदाजानुसार सतर्क राहून आवश्यक खबरदारी घ्यावी व आपत्कालीन परिस्थितीत आपत्ती व्यवस्थापन नियंत्रण कक्ष,जिल्हाधिकारी कार्यालय,चंद्रपूर संपर्क क्र.०७१७२२५००७७(07172 250077)यावर

संपर्क साधावा,असे आवाहन करण्यात आले आहे.