आज दुपारी पंतप्रधान किसान सन्मान निधीचा हप्ता होणार जमा – काही अडचण आल्यास असे करा चेक

उद्रेक न्युज वृत्त 

नवी दिल्ली :-पंतप्रधान किसान सन्मान निधीचा १३ वा हप्ता आज २७ फेब्रुवारी दिला जाणार आहे.पंतप्रधान नरेंद्र मोदी यांच्या हस्ते आज १३ व्या हप्त्या जारी करण्यात येईल.ते कर्नाटकातील बेळगावातून दुपारी लोकार्पण करणार आहेत.सुमारे ८ कोटी शेतकऱ्यांना या योजनेचा आज लाभ दिला जाईल.दुपारी ३ वाजता हप्ता जारी केला जाईल.या योजनेअंतर्गत सरकार दरवर्षी २-२ हजार रुपयांच्या तीन हप्त्यांमध्ये शेतकऱ्यांच्या खात्यात ६ हजार रुपये वर्ग करण्यात येतात.योजनेच्या नोंदणीमध्ये कोणतीही अडचण येत असेल, किंवा तुमच्या हप्त्याशी संबंधित काही समस्या असतील व इतर काही प्रश्न असतील,तर त्यासाठी तुम्हाला पीएम किसान सन्मानच्या अधिकृत वेबसाइटवरील फार्मर कॉर्नरमधील हेल्प डेस्कवर जावे लागणार आहे.हेल्प डेस्कवर क्लिक केल्यानंतर, येथे तुम्ही तुमचा आधार क्रमांक, खाते क्रमांक किंवा मोबाइल क्रमांक टाका. Get Details वर क्लिक केल्यावर एक क्वेरी फॉर्म दिसेल.येथे ड्रॉप डाउनमध्ये खाते क्रमांक,पेमेंट,आधार आणि इतर समस्यांशी संबंधित पर्याय दिले आहेत.तुमच्या समस्येनुसार ते निवडा आणि खाली त्याचे वर्णन लिहा आणि सबमिट करा.