आजीवन कारावासाची शिक्षा भोगणाऱ्या कैद्याची कारागृहात गळफास घेऊन आत्महत्या..

नागपूर :-पत्नीच्या हत्येप्रकरणी आजन्म(आजीवन) कारावासाची शिक्षा भोगत असलेल्या एका ५४ वर्षीय कैद्याने नागपूरच्या मध्यवर्ती कारागृहात अंडरवेअरच्या (अंतर्वस्त्राची इलास्टिक)इलास्टिकने गळफास घेऊन आत्महत्या केल्याची खळबळजनक घटना उघडकीस आली आहे.तुळशीराम शेंडे असे मृतक कैद्याचे नाव असून भंडारा न्यायालयाने त्याला पत्नीच्या हत्ये  प्रकरणात ३० जून २०२४ रोजी आजीवन कारावासाची शिक्षा सुनावली होती.नागपूरच्या मध्यवर्ती कारागृहातील ‘छोटी गोल बैरक’ परिसरात असलेल्या ‘रंग काम विभाग’जवळील गोदामाजवळ एका खिडकीला गळफास घेतलेल्या अवस्थेत आढळून आला.त्याने आपल्या अंडरवेअरच्या इलास्टिकचा वापर फास तयार करण्यासाठी केला होता.सदरची बाब कारागृहातील कर्मचाऱ्यांच्या लक्षात येताच धंतोली पोलिसांना कळविण्यात आले.तुळशीराम शेंडे याने त्याच्या पत्नीची हत्या केल्याने भंडारा न्यायालयाने जन्मठेपेची शिक्षा सुनावली होती.तुळशीरामला भेटायला सुरुवातीला नातेवाईक यायचे.पण,मागील दोन ते तीन वर्षात  त्याला कोणी भेटायला गेले नाही.यामुळे नैराश्यातून तुळशीरामने स्वतःचे आयुष्य संपवल्याचा प्राथमिक अंदाज आहे.प्रकरणी धंतोली पोलिसांनी आकस्मिक मृत्यूची नोंद केली असून अधिक तपास सुरू आहे.