अखेर देसाईगंज तालुक्यातील सरपंच पदांचे आरक्षण जाहीर.. – पेसा आणि नॉन पेसा क्षेत्र मिळून दहा ग्रामपंचायतींवर महिला राज..

देसाईगंज(गडचिरोली):-देसाईगंज तालुक्यात एकूण २० ग्रामपंचायती असून येत्या पुढील काळात स्थानिक स्वराज्य संस्थांच्या निवडणुकांचा बिगुल वाजणार असल्याने नुकतीच सरपंच पदाची आरक्षण सोडत प्रक्रिया देसाईगंज तहसील कार्यालयात पार पडली. यात पेसा क्षेत्रात येणाऱ्या ८ ग्रामपंचायती पैकी ४ जागा स्त्रियांसाठी राखीव,तर नॉन पेसा क्षेत्रातील १२ ग्रामपंचायती पैकी ६ जागा स्त्रियांसाठी राखीव निघाल्या आहेत.म्हणजेच एकूण २० ग्रामपंचायती पैकी पेसा आणि नॉन पेसा क्षेत्र मिळून एकूण १० ग्रामपंचायतींवर महिला राज असणार आहे.

• पेसा– एकूण ८ ग्रामपंचायती👇

स्त्रियांसाठी राखीव -अनुसूचित जमाती- १. कसारी(तुकूम), २.पिंपळगाव, ३.डोंगरगाव आणि ४.पोटगाव.

अनुसुचित जमाती(एस टी)- १.कुरुड, २.विहीरगाव, ३.कोरेगाव, ४.शिवराजपूर.(यामध्ये केवळ अनुसूचित जमातीचा कोणीही सरपंच बनू शकेल,स्त्री वा पुरुष).

• नॉन पेसा- एकूण १२ ग्रामपंचायती👇

स्त्रियांसाठी राखीव- १.विसोरा-नागरिकांचा मागास प्रवर्ग, २.शंकरपूर-नागरिकांचा मागास प्रवर्ग, ३.कोकडी- सर्वसाधारण स्त्री राखीव, ४.तुळसी सर्वसाधारण स्त्री राखीव,५.किन्हाळा– सर्वसाधारण स्त्री राखीव, ६.चोप- अनुसूचित जाती स्त्री राखीव.

१.कोंढाळा-सर्वसाधारण, २.सावंगी-सर्वसाधारण, ३.एकलपूर-सर्वसाधारण, ४.आमगाव-अनुसूचित जाती, ५.गांधीनगर-नागरिकांचा मागास प्रवर्ग, ६.बोडधा-नागरिकांचा मागास प्रवर्ग.

सदरची सरपंच पदासाठीची सोडत ही २०२५-२०३० या पाच वर्षाच्या कालावधीत मुदत संपणाऱ्या ग्रामपंचायतीच्या सरपंच पदासाठी लागू राहणार आहे.