उद्रेक न्युज वृत्त
बीड :- एचआयव्ही ग्रस्तांना नेहमीच समाजातील एक दूर्लक्षित घटक म्हणून पाहिले जाते.निराशा आणि अंधकारमय जीवनाने त्यांना ग्रासलेले असते.परंतु, काही सामाजिक संस्था एचआयव्ही बाधितांच्या जीवनात प्रकाशाचा किरण बनण्याचे काम करीत असतात.बीड जिल्ह्यातील सामाजिक संस्था आणि प्रशासनाने एचआयव्ही बाधितांना जगण्याची नवी उमेद दिली आहे.शहरात तब्बल २१ HIV पॉझिटिव्ह जोडप्यांचा विवाह सोहळा मोठ्या थाटात संपन्न झाला आहे.
बीडमध्ये एचआयव्ही संसर्गित २१ जोड्यांचा अनोखा विवाह सोहळा संपन्न झाला.बीडमधील व्यापारी महासंघाने या सोहळ्यासाठी पुढाकार घेतला.तर हेल्थ केअर कमुनिटी ऑफ पॉझिटिव्ह पिपल्सच्या विहान प्रकल्पांर्गत या सामूहिक विवाह सोहळ्याचे आयोजन करण्यात आले होते.वैष्णवी पॅलेस मंगल कार्यालयामध्ये शाही थाटात या विवाह सोहळ्याचे आयोजन केले होते. बीडकरांनी या सोहळ्याला मोठ्या संख्येने हजेरी लावली.
