उद्रेक न्युज वृत्त
संपादक/सत्यवान रामटेके
देसाईगंज :- तालुक्यातीलकोंढाळा जिल्हा परिषद उच्च प्राथमिक शाळेच्या आवारात आज १७ जुलै २०२३ रोजी देसाईगंज शाखेच्या सहयोग मल्टीस्टेट क्रेडिट को ऑप.सोसायटीच्या वतीने वृक्षारोपणाचा कार्यक्रम पार पडला.
‘वृक्षवल्ली आम्हा सोयरे वनचरे’ या संतांच्या म्हणी प्रमाणे आपल्या जीवनात वृक्षांचे महत्त्व किती आवश्यक आहे; हे उन्हा-तान्हात काम करणाऱ्यांना माहीत आहे.वृक्षांपासून मानवी शरीरास आवश्यक असणारे ऑक्सिजन मिळत असते.वृक्ष लागवड ही काळाची गरज झाली आहे.वृक्ष असतील तर तुम्ही – आम्ही व संपूर्ण जनजीवन या धरतीवर असणार; यासाठी दरवषी वृक्षारोपण करणे आवश्यक आहे.याच उदात्त हेतूने सहयोग मल्टीस्टेट क्रेडिट को ऑप. सोसायटी शाखा देसाईगंजच्या वतीने वृक्षारोपण कार्यक्रम हाती घेऊन शाळेमध्ये विविध मान्यवर,पदाधिकारी,शाळेतील शिक्षकवृंद व विद्यार्थ्यांच्या हस्ते वृक्षारोपण करण्यात आले.
वृक्षारोपण प्रसंगी सहयोग मल्टीस्टेट क्रेडिट को ऑप. सोसायटी देसाईगंज शाखेचे शाखा व्यवस्थापक चेतनकुमार भोंडे,कोंढाळा ग्रामपंचायतीचे उपसरपंच गजानन सेलोटे,शाळेचे मुख्याध्यापक अनिल मुलकलवार,शिक्षक योगेश ढोरे,बँकेचे BDO, BDE व कर्मचारीवृंद उपस्थित होते.
