उद्रेक न्युज वृत्त
देसाईगंज :- चंद्रपूर जिल्ह्यातील वाघोबा देवस्थान तपाळ,ग्रामपंचायत बेलगाव(जानी) येथे देसाईगंज येथील खरकाटे परिवार व भाविक भक्त गणांनी कुल दैवत पूजा दिनाचे औचित्य साधून १४ एप्रिल २०२३ रोजी राष्ट्रपती पद्म श्री पुरस्कार प्राप्त डॉ.परशुराम खुणे यांचा जाहीर सत्कार करण्यात आला.
दरवर्षी प्रमाणे याही वर्षी सुध्दा खरकाटे परिवार व भाविक भक्त गणांनी वाघोबा देवस्थान तपाळ येथे जाऊन कुल दैवतांची पूजा-अर्चना केली.त्यानिमित्ताने गडचिरोली जिल्ह्यातील कुरखेडा तालुक्यातील गुरनोली येथील पद्म श्री पुरस्कार प्राप्त डॉ.परशुराम खुणे यांनी बाल कलाकार ते वयाच्या ७० व्या वर्षापर्यंत झाडीपट्टी रंगभूमीत मागील पाच दशके कलागुणांतुन समाज परिवर्तनाचे धडे देण्याचे अतुलनीय कार्य त्यांनी केले आहे.तसेच अनेक पुरस्कार प्राप्त करून गावातील सरपंच पदावर कार्यरत असतांना १५ वर्षे जनसेवा केली असल्याने सदर संपूर्ण केलेल्या कार्याची दखल घेत त्यांना पद्म श्री पुरस्काराने सन्मानित करण्यात आले.खुणे यांचा जनसेवेतील प्रवास लक्षात घेता देसाईगंज येथील बाबुराव खरकाटे धान्य अडतिया यांच्या हस्ते वाघोबा देवस्थान तपाळ येथे पद्म श्री प्राप्त डॉ.परशुराम खुणे यांचा शाल,श्रीफळ व पुष्पगुच्छ देऊन जाहीर सत्कार करण्यात आला.
सत्कार करतेवेळी देसाईगंज नगरपरिषदेचे माजी नगरसेवक तथा आरोग्य सभापती सचिन खरकाटे,प्रा.सुनील चौधरी प्राचार्य मनोहरभाई पटेल इन्स्टिट्युट ऑफ फार्मसी गोंदिया,डॉ.ज्योती खरकाटे ग्रामीण रुग्णालय ब्रम्हपुरी,जनर्धन राऊत बी.ओ.गोंदिया,अशोक कुटे सेवा निवृत्त प्राचार्य,अरुण ठेंगरी सेवा निवृत्त शिक्षक,दुर्भाष खोब्रागडे नेवजाबाई हित.महिला महाविद्यालय ब्रम्हपुरी,सुभाष सौंदरकर,ताराचंद पत्रे,नरेंद्र बर्डे बाबु देसाईगंज आदर्श हायस्कूल,मित्र परिवार व वाघोबा देवस्थान तपाळ येथील बहुसंख्य भाविक भक्त उपस्थित होते.
