मावळत्या वर्षाला रक्तदानाने निरोप देण्याची १५ वर्षाची परंपरा कायम राहणार.. – सत्कार्यात सहभागी होण्याचे आवाहन.. – कुरखेडा नगर पंचायतीचे नगरसेवक सागर निरंकारी

कुरखेडा(गडचिरोली):-स्वर्गीय विक्रांत वारजूरकर व स्वर्गीय जिग्नेश धंधूकीया यांच्या स्मृती प्रित्यर्थ मागील १५ वर्षांपासून कुरखेडा शहरातील युवक मंडळी पुढाकार घेत नविन वर्षाचे स्वागत सत्कार्यात व्हावे व नव्याने रूजू झालेली हूळदंगी परंपरेला आळा बसावा; या उद्देशाने ३१ डिसेंबर रोजी मावळत्या वर्षाला रक्तदान सारख्या सामाजिक उपक्रमाद्वारे स्वागत करण्याची १५ वर्षापासूनची परंपरा यावर्षी सूद्धा कायम राहणार असल्याने युवकांनी या सत्कार्यात सहभागी व्हावे; असे आवाहन कुरखेडा नगरपंचायतीचे नगरसेवक सागर निरंकारी यांनी केले आहे.

अलीकडे मावळत्या वर्षाला निरोप देतांना व नविन वर्षाचे स्वागत करतांना नविन युवकांची पीढी बेभान होत व्यसनाधिनतेचा कळस गाठत आहे.नव्या पीढीत नको त्या व्यसनाचा शिरकाव थर्टी फर्स्ट निमित्त आयोजित होणाऱ्या पार्टी मधूनच होत असतो.या रूजू झालेल्या वाईट परंपरेला फाटा देण्याकरीता मागील १५ वर्षांपासून कुरखेडा येथील काही सामाजिक कार्यकर्ते पूढाकार घेत युवकांना वर्षाचा निरोप व नविन वर्षाचे स्वागत थर्टी फर्स्ट चा हूळदंग पणाने न करता रक्तदान करीत आपली सामाजिक जाबदारीचे भान ठेवण्याचे आवाहन करीत आहेत.या उपक्रमाला मागील १५ वर्षांपासून मोठा प्रतिसाद सुद्धा मिळत आहे.यावर्षी सुद्धा मंगळवार ३१ डिसेंबर रोजी सकाळी ९ ते दूपारी १ वाज़े दरम्यान सिंधी भवन कुरखेडा येथे रक्तदान शिबीराचे आयोजन करण्यात आले आहे.या शिबीरात मोठ्या संख्येनी युवकांनी सहभागी होत आपली सामाजिक जबाबदारी पार पाडावी; असे आवाहन नगरसेवक सागर निरंकारी, मधुकर वारजूरकर,यशपाल सहारे,सोनू रहांगडाले, विवेक निरंकारी,प्रवेश सहारे,मयुर सहारे, आशु बागडे गोलू वैद्य,नौशाद सय्यद,पंकज टेंभूर्णे यांनी केले आहे.