उद्रेक न्युज वृत्त
चंद्रपूर :- शहरातील दोन चंद्रपूर घरफोड्यांमध्ये अटकेत असलेला स्थानिक गुन्हे शाखेचा शिपाई नरेश डाहुले याचे जिल्हा पोलिस अधीक्षकांनी शनिवारीच निलंबनाचे आदेश जारी केले आहेत.या घटनेने पोलिस दलात मोठी खळबळ उडाली आहे.
स्थानिक गुन्हे शाखेमध्ये पोलिस शिपाई असलेला नरेश डाहुले याला शेअर ट्रेडिंगचा नाद लागला होता. या नादात तो पूर्णतः बुडाला. अनेक पैसे त्याने यात गमावले.परिरणामी त्याच्यावर जवळपास २२ लाखांचे कर्ज झाले होते. हे कर्ज फेडायचे कसे, असा प्रश्न त्याला नेहमीच सतावत होता आणि यातूनच त्याने चोरीचा मार्ग अवलंबला.घराशेजारी असलेल्या मुस्तफा रमझान शेख यांच्या घरी कुणी नसताना त्याने प्रवेश करून चोरी केली.तसेच यापूर्वीसुद्धा घराशेजारी राहणाऱ्या संगीता ठाकरे यांच्या घरीसुद्धा चोरी केली होती.या घटनेचा पोलिस विभाग करीत असतानाच नरेश डाहुले याचे कारनामे पोलिसांनी कळले. ही बाब उघड होताच रामनगर पोलिसांनी त्याला अटक केली. दरम्यान,जिल्हा पोलिस अधीक्षक रवींद्रसिंह परदेशी यांनी त्याला लगेच निलंबित केले.
रामनगर पोलिसांनी नरेश डाहुले याला चोरीच्या प्रकरणात शनिवारी अटक केली होती.त्याला न्यायालयात हजर केले असता न्यायाधीशांनी न्यायालयीन कोठडी सुनावली होती.मात्र,पोलिसांनी ३१ ऑगस्टच्या चोरीच्या प्रकरणासाठी डाहुले याला न्यायालयीन कोठडीतून ताब्यात घेऊन पुन्हा न्यायालयात हजर केले.यावेळी न्यायाधीशांनी मंगळवार-पर्यंत तीन दिवसांची न्यायालयीन कोठडी सुनावली आहे.१४ नोव्हेंबरच्या चोरीतील ६ हजार ९०० रुपयांचा मुद्देमाल हस्तगत करण्यात आला आहे. ३१ ऑगस्टच्या चोरीसंदर्भातील तपास रामनगर पोलिस करीत आहेत.
