उद्रेक न्युज वृत्त
मुख्य संपादक/सत्यवान रामटेके
देसाईगंज(गडचिरोली) :- देसाईगंज शहरापासून काही अंतरावर आरमोरी मार्गे वन विभागाच्या जैव विविधता उद्यान नजिक अज्ञात वाहनाच्या धडकेत १४ वर्षीय मुलगी जागीच ठार झाल्याची घटना दिनांक-१ जून रोजी सकाळी ५ वाजेच्या दरम्यान घडली होती.
१४ वर्षीय मुलगी ही नेहमी प्रमाणे पहाटे घरून व्यायाम करण्याकरिता(मॉर्निंग वॉक)फिरायला निघाली होती.जात असतांना वाटेतच देसाईगंज-आरमोरी मार्गावरील वन विभागाच्या जैव विविधता उद्यान नजिक मुख्य डांबरीकरण मार्गावर सकाळी ५ वाजेच्या सुमारास अज्ञात वाहनाने धडक दिली.धडक देऊन डोक्यावरून वाहन गेल्याने त्यात तिचा जबडा बाहेर निघाला व डोक्याला जबर मार लागल्याने शर्वरी पदमाकर बनकर, वय १४ वर्षे,रा.तुकुम वार्ड,देसाईगंज(वडसा) जि.गडचिरोली हीचा जागीच मृत्यू झाला.घटना स्थळावरून अज्ञात वाहन धडक देऊन पसार झाला.मात्र,धडक देणारे वाहन अजूनही मिळालेले नसल्याने देसाईगंज पोलीस ठाण्यातर्फे गडचिरोली जिल्ह्यातील सुजाण नागरिकांना आवाहन करीत सदर घटनेबाबत अथवा वाहना बाबत कुठल्याही प्रकारची माहिती मिळाल्यास त्वरित देसाईगंज पोलीस ठाण्याचे पोलिस निरीक्षक अजय जगताप मो.नं.८३२९२९५०५१,सहा.पोलीस निरीक्षक संदीप अगारकर मो.नं.९१६८८०६१४९,पोलीस उपनिरीक्षक ज्ञानेश्वर धनगर मो.नं.९९७५३८२६४१, पोलीस उपनिरीक्षक पोलीस प्रविण बुंदे मो.नं. ९९७५३८२६४१ तसेच देसाईगंज पोलीस स्टेशन टेलीफोन नंबर- ०७१३७२९५२२७ यावर संपर्क साधावा; सदर घटने संदर्भातील माहिती देणाऱ्याचे नाव गोपनीय ठेवण्यात येणार असून माहीती देणाऱ्यास योग्य ते पारीतोषीक देण्यात येणार असल्याचे देसाईगंज पोलीस ठाण्यातर्फे जाहीर नागरिकांना आवाहन करण्यात आले आहे.
