उद्रेक न्युज वृत्त
गडचिरोली :- सरकारी स्वस्त धान्य दुकानदार व केरोसिन संघटनेची गडचिरोली जिल्हा कार्यकारिणी गठित करण्यात आली आहे.सदर कार्यकारिणीमध्ये जिल्ह्यातील सरकारी स्वस्त धान्य दुकानदार व केरोसिन संघटनेतून जिल्हाध्यक्ष,जिल्हाउपाध्यक्ष, कार्याध्यक्ष,सचिव तसेच सहसचिव,सदस्य यांची निवड करण्यात आली.
गडचिरोली येथील गोंडवाना कलाकेंद्रात काल,शुक्रवार दिनांक-७ जून रोजी पार पडलेल्या जिल्हा बैठकीत सरकारी स्वस्त धान्य दुकानदार व केरोसिन संघटनेची नविन जिल्हा कार्यकारणी गठीत करण्यात आली असून गठित करण्यात आलेल्या सरकारी स्वस्त धान्य दुकानदार व केरोसिन संघटना गडचिरोली जिल्हाध्यक्षपदी देसाईगंज(वडसा)तालुक्यातील स्वस्त धान्य दुकानदार लिलाधर भर्रे यांची एकमताने बिनविरोध निवड करण्यात आली आहे.तर जिल्हा उपाध्यक्षपदी धानोरा तालुक्यातील दुकानदार जाकिर कुरेशी तर कार्याध्यक्षपदी रूपेश वलके यांची तर सचिवपदी सुरेश बांबोळे,सहसचिवपदी चुनारकर यांची तर सदस्य म्हणून अरूण कुंभलवार,राजेंद्र सयाम,वनिताताई बांबोळे,जमिर शेख,नरेंद्र वालदे, हरीदास गटधरे,मोहण पाल यांची निवड झाली.
