देसाईगंज नगरपरिषद निवडणुकीत नव्या चेहऱ्यांना संधी देणे गरजेचे.. -प्रभाग क्रमांक दोन मधून कुलदीप आमले नावास पसंती..

देसाईगंजता(गडचिरोली):-देसाईगंज नगरपरिषद क्षेत्रातील निवडणुकीचे वारे सध्या जोर धरत असून नगरपरिषद अध्यक्षपद तसेच प्रभागनिहाय नगरसेवकपदाचे आरक्षण जाहीर झाल्यानंतर आता केवळ निवडणुकीच्या तारखेची औपचारिक घोषणा बाकी आहे.या पार्श्वभूमीवर शहरातील सर्वच प्रभागांमध्ये राजकीय हालचालींना वेग आला आहे.अश्यातच शहराच्या प्रभाग क्रमांक-२ मधून कुलदीप आमले या तरुण,ऊर्जावान आणि समाजाभिमुख कार्यकर्त्याच्या नावाची जोरदार चर्चा सुरु असून जनतेकडून त्यांना प्रचंड प्रतिसाद मिळत आहे.मध्यमवर्गीय कुटुंबातून पुढे सरसावलेले उच्चशिक्षित आणि सर्वसामान्य जनतेच्या अडचणींमध्ये नेहमी पुढाकार घेणारे आमले हे नाव देसाईगंजकरांसाठी नवे नाही.लोकसभा तसेच विधानसभा निवडणुकांदरम्यान जनतेत रात्रंदिवस फिरून कार्यकर्त्यांबरोबर काम करणारे,लोकसंपर्काचे जाळे मजबूत ठेवणारे आणि समाजातील सर्व घटकांमध्ये आपुलकीने वावरणारे व्यक्तिमत्व म्हणून आमले ओळखले जातात.त्यांचे नम्र स्वभाव, कार्यतत्परता आणि जनतेशी जुळलेली नाळ यामुळे प्रभाग क्रमांक-२ मधील नागरिकांनी त्यांच्यावर विश्वास दाखवत उमेदवारीस पाठिंबा जाहीर केला आहे.स्थानिक नागरिकांबरोबरच विविध समाजघटक,तरुण मंडळी तसेच प्रतिष्ठित नेतेमंडळींनीही कुलदीप आमले यांच्या पाठीशी उभे राहत त्यांना समर्थन दिले आहे.या उत्स्फूर्त पाठिंब्यामुळे आमले यांनी नगरपरिषद निवडणूक प्रभाग क्रमांक-२ मधून लढण्याचा निर्णय दृढ केला आहे.

कुलदीप आमले यांनी सांगितले की,जनतेचा विश्वास आणि आशीर्वाद मिळाला असून देसाईगंज शहराच्या प्रभाग क्रमांक-२ मधील विविध विकासकामे, नागरिकांच्या मूलभूत गरजा आणि तरुणांसाठी रोजगार निर्मिती या गोष्टींवर लक्ष केंद्रित करणार असून माझा हेतू राजकारण करणे नसून जनसेवा करणे आहे.

विशेष म्हणजे,दरवर्षी स्थानिक निवडणुकीच्या रिंगणात तेच-तेच चेहरे म्हणजे “तोच बोवा येतो अन् तोच बोवा जातो” असे करण्यापेक्षा एकदा तरी नव्या चेहऱ्यांना संधी देणे गरजेचे झाले आहे.