देसाईगंज,आरमोरी,कुरखेडा,कोरची व इतर पोलीस ठाण्याच्या ठाणेदारांच्या बदल्या..

देसाईगंज(गडचिरोली):-गडचिरोली जिल्ह्याच्या विविध पोलीस ठाण्यांसह उपपोलिस ठाणे व पोलिस मदत केंद्रांतील तब्बल ७२ अधिकाऱ्यांच्या प्रशासकीय बदल्या करण्यात आल्या आहेत.या संदर्भात काल बुधवारी जिल्ह्याचे पोलीस अधीक्षक एम.रमेश यांनी आदेश काढून देसाईगंज पोलीस ठाण्याचे ठाणेदार अजय जगताप यांची देसाईगंज येथून कुरखेडा येथे,तर स्वप्निल इज्जपवार यांची देसाईगंज येथे बदली करण्यात आली आहे.स्वप्निल इज्जपवार हे जिल्हा पोलीस मुख्यालयात उपअधीक्षक पदावर कार्यरत होते.तर आरमोरी पोलीस ठाण्याचे ठाणेदार कैलास गवते यांची आरमोरी येथून धानोरा येथे,तर इंटरसेल अहेरीचे सचिन झनक यांची आरमोरी येथे नियुक्ती करण्यात आली आहे.तर महेंद्र वाघ यांची कुरखेडावरुन आष्टी येथे,दीपक डोंब याची चामोर्शीहून कोरची येथे,तर नियंत्रण कक्षातील महादेव ढाकणे यांची चामोर्शी, सुनील बागल यांची मुलचेरा येथे,इंटरसेल गडचिरोलीचे बाबासाहेब दुधाळ यांची सिरोंचा येथे नियुक्ती करण्यात आली आहे.तर गडचिरोली पोलीस ठाण्याचे ठाणेदार विनोद चव्हाण यांना गडचिरोली पोलीस ठाण्यात कायम ठेवण्यात आले आहे. काही कालावधीपूर्वी जिल्हा पोलीस अधीक्षक एम.रमेश यांनी जिल्ह्याची धुरा सांभाळली,तेव्हापासून पोलीस अधिकाऱ्यांच्या बदल्या झालेल्या नव्हत्या,अश्यातच आता जुन्या-नव्या अधिकाऱ्यांना नव्या ठाण्यांची जबाबदारी सोपविण्यात आल्याने अवैध धंदे तसेच कायदा व सुव्यवस्था अबाधित राखण्याची अपेक्षा स्थानिक नागरिकांकडून व्यक्त करण्यात येत आहे.