तब्बल १५४ नवीन ‘आपले सरकार सेवा केंद्रे’ होणार स्थापन; अर्ज करण्याचे आवाहन..

गडचिरोली :-जिल्ह्यात ग्रामपंचायत व नगर परिषद आणि नगर पंचायत स्तरावर तब्बल १५४ नवीन ‘आपले सरकार सेवा केंद्रे’ स्थापन करण्यासाठी इच्छुकांकडून अर्ज मागविण्यात आले आहेत.

महाराष्ट्र शासनाच्या शासन निर्णयानुसार गडचिरोली जिल्ह्यात १५१ ग्रामपंचायत स्तरावर १५२ केंद्रे,तर  नगर परिषद व नगर पंचायत स्तरावर २ केंद्रे स्थापन करण्यात येणार आहेत.पात्र ग्रामपंचायतींची यादी, अर्जाचा नमुना व आवश्यक माहिती www.gadchiroli.gov.in या संकेतस्थळावर तसेच जिल्हाधिकारी,उपविभागीय अधिकारी व तहसील कार्यालयांच्या सूचना फलकावर उपलब्ध आहे.

इच्छुकांनी आज,गुरुवार ६ ऑगस्ट ते २० ऑगस्ट २०२६ या कालावधीत विहित नमुन्यातील अर्ज जिल्हाधिकारी कार्यालय,गडचिरोली येथील सेतू शाखेत सादर करावेत,असे आवाहन जिल्हाधिकारी अविश्यांत पंडा यांनी केले आहे.