उद्रेक न्युज वृत्त
देसाईगंज(गडचिरोली) :-‘माझी वसुंधरा अभियान ५.०’ अंतर्गत देसाईगंज नगर परिषदेचे मुख्याधिकारी कुलभूषण रामटेके,माजी नगरसेवक सचिन खरकाटे व खेळाडू यांच्या हस्ते जुनी वडसा येथील खेळाचे मैदान या ठिकाणी विविध प्रजातींच्या वृक्षांची लागवड करण्यात आली.
देसाईगंज नगर परिषदे अंतर्गत ‘माझी वसुंधरा अभियान ५.०’ सुरू असून शहरातील विविध ठिकाणी मोठ्या प्रमाणावर वृक्ष लागवड करण्यात येत आहे. खेळाचे मैदान,नगर परिषद आवारात,शालेय आवारात तसेच इतर ठिकाणी वृक्ष लागवड करून माझी वसुंधरा अभियान ५.० राबविण्यात येत आहे.वृक्ष लागवड ही काळाची गरज आहे.प्रत्येकांनी एक झाड लावून त्याची जोपासना केली पाहिजे.असे कुलभूषण रामटेके यांनी वृक्षारोपण करते प्रसंगी सांगितले.जुनी वडसा येथील खेळाचे मैदान या ठिकाणी जवळपास विविध प्रजातींच्या ५० वृक्षांची लागवड करण्यात आली आहे.
वृक्षारोपण करतेवेळी,माजी नगरसेवक तथा भाजपाचे देसाईगंज शहराध्यक्ष सचिन खरकाटे,हमीद पठाण,जवाहर सोनेकर,विलास बोंद्रे,प्रफुल दुपारे, देसाईगंज नगर परिषदेचे कर्मचारी वृंद तसेच जुनी वडसा येथील पोलिस भरतीची तयारी करणारे युवा वर्ग उपस्थित होते.
