चिवडा खाल्ल्यानंतर सात जणांना विषबाधा..!

चंद्रपूर :-जिल्ह्याच्या वरोरा शहरातून आज,सोमवार २८ सप्टेंबरच्या दुपारी एक धक्कादायक घटना समोर आली. एका चिवडा सेंटरमधील चिवडा खाल्ल्यानंतर तब्बल सात जणांना विषबाधा झाल्याने शहरात एकच खळबळ उडाली.सदरचा प्रकार वरोरा शहरातील बसस्थानक मार्गावरील आयटीआय लगत असलेल्या मनोज चिवडा सेंटरमध्ये घडला.येथील चिवडा खाल्ल्यानंतर काही जणांना मळमळ,उलटी व इतर त्रास जाणवू लागला. त्यानंतर त्यांना उपचारासाठी वरोरा उपजिल्हा रुग्णालयात दाखल करण्यात आले.दूषित चिवड्यामुळे विषबाधा झाल्याची प्राथमिक माहिती समोर आली आहे.सर्व रुग्णांवर वैद्यकीय उपचार सुरू आहेत. विषबाधा झालेल्यांमध्ये प्रवीण शालीकराम कोहळे ५० वर्षे,रा.माजरी,सुवर्णा प्रवीण कोहळे वय ४५ वर्षे, रा.माजरी,पंकज दिगंबर आवारी वय ४० वर्षे,राराळेगाव, दिगंबर विठ्ठजी आवारी रा.राळेगाव,अफजल रफीक अहमदखान रा.भद्रावती/कोरेगाव,शेख रेहमान रा.कोरेगाव आणि आयुब सागीर खान रा.भद्रावती यांचा समावेश आहे.विशेष म्हणजे, संबंधित चिवड्यात पाल आढळल्याचे सांगण्यात येत आहे.यामुळे खाद्यपदार्थांच्या स्वच्छता आणि गुणवत्तेचा प्रश्न ऐरणीवर आला आहे.