चालकाचा ट्रकवरील ताबा सुटला; झाडाला ट्रक आदळून अपघात..

कोरची(गडचिरोली):-छत्तीसगडच्या चांपा येथून चंद्रपूरला दगडी कोळसा घेऊन जाणाऱ्या चालत्या ट्रकने पेट घेतला असल्याची घटना कोरची-कुरखेडा राष्ट्रीय महामार्गावरील ताजी असतांनाच हैदराबादहून निघालेल्या मालवाहू ट्रकने रस्त्यालगतच्या झाडाला धडक दिल्याने ट्रकचा समोरील भाग चेंदामेंदा झाल्याची घटना काल,गुरुवारी १३ फेब्रुवारीला दुपारच्या सुमारास भीमपूर गावालगत घडली.सुदैवाने चालक व क्लिनर बचावले.सीजी ०४ एनझेड-६९१८ क्रमांकाचा ट्रक कोरचीवरून बोटेकसा मार्गे छत्तीसगडमधील बिलासपूरला चणा घेऊन निघालेला असतांना ट्रकवरील चालकाचा ताबा सुटल्याने ट्रक भीमपूर जवळील रस्त्यावर असलेल्या मोहाच्या एका मोठ्या झाडावर आदळला.यात चालक व क्लिनर थोडक्यात बचावले.कोरची पोलिसांनी घटनास्थळी धाव घेत पंचनामा केला.दुर्घटनेत ट्रकचे मोठे नुकसान झाले आहे.