बचत गटाचे कर्ज डोईजड; विष प्राशन करून केली आत्महत्या.. – कोरची तालुक्यातील घटना..

गडचिरोली :-आपली जेवढी आर्थिक क्षमता आहे;तितकीच सीमा ओलांडणे गरजेचे आहे.’अंथरूण पाहून पाय पसरावे’ या म्हणीचा अनेकजण उल्लंघन करतांना दिसून येतात.तर काहीजण जवळ असूनही मोठी हाव करून सर्वकाही गमावून बसतात.अश्याच प्रकारे गडचिरोली जिल्ह्याच्या कोरची तालुक्यात एका ५० वर्षीय इसमाने तीन लाख रुपये घेतलेल्या एका बचत गटाचे कर्ज डोईजड झाल्याने विष प्राशन करून आत्महत्येचा प्रयत्न केला आणि खरोखरच जीव गमावला असल्याची घटना उघडकीस आली आहे. बुधराम हरिसंग गायकवाड वय ५० वर्षे, रा.हेटाळकसा, ता.कोरची,जि.गडचिरोली असे विष प्राशन करून जीवनयात्रा संपविलेल्या इसमाचे नाव आहे.हेटाळकसा येथील बुधराम गायकवाड यांनी काही महिन्यांपूर्वी एका बचत गटाकडून तीन लाख रुपयांचे  कर्ज घेतले होते. काही महिन्यांनी बचत गटाचे कर्ज फेडणे आवश्यक होते. पण,उचल केलेली रक्कम मोठी असल्याने एवढी मोठी रक्कम कुठून भरावी?अशी चिंता बुधराम यांच्या मनात सतत घर करून सोडू लागली.कर्जाची रक्कम फेडण्याच्या चिंतेत असलेल्या बुधराम यांनी गुरुवारच्या रात्री साडे दहाच्या सुमारास कीटकनाशक फवारणीचे औषध घरीच प्राशन केले. सदरची बाब कुटुंबियांच्या लक्षात येताच लागलीच कुटुंबीयांनी त्याच रात्री त्यांना कोरची येथील ग्रामीण रुग्णालयात उपचारार्थ दाखल केले.रात्री उचार झाल्यानंतर काल शुक्रवारी प्रकृती खालावल्याने त्यांचा रुग्णालयातच मृत्यू झाला.घटनेची माहिती रुग्णालय प्रशासनाने कोरची पोलिसांना देताच पोलिसांनी शवविच्छेदन अहवालानंतर बुधराम यांचा मृतदेह कुटुंबियांच्या स्वाधीन केला.प्रकरणाचा पुढील तपास कोरची पोलिस प्रशासन करीत आहे.