धक्कादायक..! टीव्ही वरील “माझा आवडता चॅनल पाहू दिला नाही” म्हणून इयत्ता चौथीत शिकणाऱ्या मुलीने गळफास घेऊन केली आत्महत्या…

कोरची(गडचिरोली):-अवघ्या क्षुल्लक कारणावरून दोघा बहिणींमध्ये टिव्ही पाण्यावरून किरकोळ वाद झाला आणि इयत्ता चौथीत शिकणाऱ्या मुलीने गळफास घेऊन आत्महत्या केल्याची धक्कादायक घटना गडचिरोली जिल्ह्याच्या कोरची तालुक्यातील बोडेना गावात सकाळच्या सुमारास उघडकीस आल्याने कुटुंबियांवर मोठा आघात होऊन परिसरात शोककळा पसरली आहे.इयत्ता चौथीत शिक्षण घेणारी १० वर्षीय सोनाली आनंद नरेटी रा.बोडेना,ता.कोरची, जि.गडचिरोली असे गळफास घेऊन आत्महत्या केलेल्या चिमुकलीचे नाव आहे.सदरची घटना काल, गुरुवारी २१ मे च्या सकाळी साडेआठ वाजेच्या दरम्यान घडली.

माहितीनुसार,मृत सोनाली,१२ वर्षीय मोठी बहीण संध्या व ८ वर्षीय लहान भाऊ सौरभ हे तिघेही सध्या गोंदिया जिल्ह्यातील कोकना खोबा गावातील एका खासगी आश्रम शाळेत शिकत होते.शाळेला उन्हाळ्याच्या सुट्ट्या लागल्याने तिघेही मुळ गाव बोडेना येथे आले होते.घरी आई मंगला आणि सर्वात लहान भाऊ शिवम राहतात.काल,गुरुवारी सकाळच्या सुमारास सोनाली ही टिव्ही पाहत होती.अश्यातच सोनालीची मोठी बहीण संध्या हिच्यासोबत टीव्हीच्या रिमोट वरून किरकोळ वाद झाला.किरकोळ वाद होताच सोनाली हिने रागाच्या भरात “माझा आवडता चॅनल पाहू दिला नाही” म्हणत घरच्या मागील बाजूस असलेल्या पेरूच्या(जांबाचे झाड)झाडाला नायलॉनच्या दोरीने गळफास घेऊन जीवनयात्रा संपवली.घटनेची माहिती कळताच कोरची पोलीस ठाण्याचे ठाणेदार शैलेश ठाकरे,पोलीस उपनिरीक्षक देशमुख यांनी घटनास्थळी भेट देत पंचनामा करून मृतदेह कोरचीच्या ग्रामीण रुग्णालयात दाखल करण्यात आला.अवघ्या क्षुल्लक कारणावरून चिमुकलीने टोकाचे पाऊल उचलल्याने सर्वत्र हळहळ व्यक्त केली जात आहे.