खोब्रामेंढा देवस्थान परिसरात होणार दमा व इतर आजारांवर मोफत औषधीचे वाटप..

कुरखेडा(गडचिरोली):-दरवर्षीप्रमाणे यंदाही मृग नक्षत्र दिनाचे औचित्य साधून गडचिरोली जिल्ह्याच्या कुरखेडा तालुक्यातील प्रसिद्ध धार्मिक स्थळ असलेल्या श्री क्षेत्र हनुमान देवस्थान,खोब्रामेंढा येथे  भव्य मोफत दमा व इतर आजारांवर औषध वाटप शिबिराचे आयोजन करण्यात आले आहे.यावर्षी येत्या,सोमवार ८ जून २०२६ रोजी दुपारी १.३० वाजता औषधी वाटपाला प्रारंभ होणार असून मंगळवार ९ जून २०२६ रोजी दुपारी १.३० वाजेपर्यंत हे शिबिर सुरू राहणार आहे.या कालावधीत येणाऱ्या  सर्व नागरिकांना कोणतेही शुल्क न आकारता मोफत औषधींचे वितरण करण्यात येणार आहे.

औषधींचा लाभ विशेषतः दमा,मिरगी,मुतखडा, कॅन्सर आदी विविध आजारांनी ग्रस्त रुग्णांना मिळणार असून निरोगी व्यक्तीदेखील भविष्यातील आरोग्य संवर्धनासाठी या औषधींचा लाभ घेऊ शकतात.ग्रामीण भागातील अनेक नागरिकांना या शिबिराचा वर्षानुवर्षे फायदा झाल्याचे अनुभव सांगितले जातात.

याशिवाय,कोणत्याही प्रकारचा सर्पदंश झाल्यास संबंधित व्यक्तीचे नाव व माहिती तात्काळ खालील मोबाईल क्रमांकांवर कळविण्याचे आवाहन करण्यात आले आहे.

7588364987

9405815467

या उपक्रमाचे मार्गदर्शक व परिचयकार भक्तदास नरुले महाराज असून,त्यांच्या मार्गदर्शनाखाली हे जनसेवेचे कार्य अनेक वर्षांपासून सुरू आहे.परिसरातील तसेच जिल्ह्यातील नागरिकांनी या मोफत जणसेवेचा लाभ घ्यावा,असे आवाहन देवस्थान समितीच्या वतीने करण्यात आले आहे.

• स्थळ👇

श्री क्षेत्र हनुमान देवस्थान,खोब्रामेंढा,

ता.कुरखेडा,जि.गडचिरोली

विशेष सूचना: खोब्रामेंढा हे गाव मालेवाडा येथून पूर्वेस सुमारे १० कि.मी. अंतरावर असून भाविक व नागरिकांनी वेळेवर उपस्थित राहून या जनकल्याणकारी उपक्रमाचा लाभ घ्यावा.