क्षुल्लकशा कारणासाठी पोटच्या नऊ वर्षीय मुलीची बापानेच केली हत्या..!

पुणे :-जिल्ह्याच्या दौंड तालुक्यात मन सुन्न करणारी घटना घडली असून क्षुल्लकशा कारणासाठी बापाने पोटच्या नऊ वर्षीय मुलीची हत्या केल्याची धक्कादायक बाब आज मंगळवारी समोर आली आहे.हैवान बाप एवढ्यावरच थांबला नाही तर मुलीची हत्या केल्यानंतर गुन्ह्यातील पुरावे नष्ट करण्याच्या उद्देशाने  मुलीचे मृतदेह कापडात गुंडाळले व घराला आग लावून अपघात भासवण्याचा प्रयत्न केला.यात प्रत्यक्षदर्शी महिलेचाही समावेश असल्याने दोघांवर गुन्हे दाखल करण्यात आले आहे.सदरची घटना दौंड तालुक्यातील देऊळगाव राजे गावातील हनुमान वस्तीत घडली.शांताराम दुर्योधन चव्हाण वय ३३ वर्षे, रा.हनुमान वस्ती,देऊळगाव राजे, ता.दौंड,जि.पुणे असे हैवान आरोपी पित्याचे नाव आहे, तर अनामिका शांताराम चव्हाण वय ९ वर्षे असे मृतक चिमुकलीचे नाव आहे.

नऊ वर्षीय अनामिकाने तिचा भाऊ संस्कार याच्या गुणपत्रिकेत खाडाखोड केली होती.सदरची बाब तिच्या वडिलांना कळली.याचा राग मनात धरून आरोपी शांतारामने लाकूड कापण्याच्या मशीनने मुलीच्या गळ्यावर,डोक्यावर आणि शरीरावर वार केले.यात मुलीचा जागीच मृत्यू झाला.घटनेवेळी चिंगु शिंदबाद भोसले ही महिला उपस्थित असतांनाही तिने याबाबत कुठेही वाच्यता केली नाही.अश्यातच आरोपीने घराला आग लावून प्रकरण भटकविण्याचा प्रयत्न केला.प्रकरणी दौंड पोलिसांनी पोलीसांनी दोन्ही आरोपींविरोधात भारतीय न्याय संहिता २०२४ अंतर्गत कलम१०३(१), २३८,३(५)नुसार गुन्हा दाखल केला असून,पुढील तपास दौंड पोलीस ठाण्याचे पीएसआय सुनील उगले करीत आहेत.