उद्याला विनोदी अभिनेता भारत गणेशपुरे कोंढाळा नगरीत..

कोंढाळा(गडचिरोली):-हास्य सम्राट तथा विनोदी अभिनेता भारत गणेशपुरे यांचे उद्या,बुधवार ११ मार्च रोजी दुपारच्या सुमारास देसाईगंज तालुक्याच्या कोंढाळा नगरीत आगमन होणार आहे.भारत गणेशपुरे हे ‘फू बाई फू’ आणि ‘चला हवा येऊ द्या’ या मराठी टेलिव्हिजन शोमधील त्यांच्या विनोदी तसेच हिंदी चित्रपट सृष्टीतील अभिनयासाठी प्रसिद्ध आहेत.उद्या बुधवारी गडचिरोली जिल्ह्यातील देसाईगंज तालुक्याच्या कोंढाळा ग्रामपंचायत येथे मुख्यमंत्री समृद्ध पंचायतराज अभियानांतर्गत विशेष प्रचार आणि प्रसिद्धी कार्यक्रमाचे आयोजन करण्यात आले आहे.या मोहिमेला बळ देण्यासाठी प्रसिद्ध अभिनेता भारत गणेशपुरे उपस्थित राहणार आहेत.त्यांच्या या भेटीमुळे ग्रामपंचायत स्तरावरील विकास कामांना आणि लोकचळवळीला नवा उत्साह मिळण्याची शक्यता आहे.यावेळी ते पथकासोबत अभियानाच्या विविध उपक्रमांमध्ये सहभागी होऊन नागरिकांशी संवाद साधतील.ग्रामपंचायत प्रशासनाने या कार्यक्रमाची जय्यत तयारी सुरू केली असून जास्तीत जास्त नागरिकांनी या प्रचार प्रसिद्धी कार्यक्रमाला उपस्थित राहावे,असे आवाहन करण्यात आले आहे.