आजच्या केंद्रीय अर्थसंकल्पात घोषणांचा पाऊस; पहा एका क्लिकवर..

नवी दिल्ली :-केंद्रीय अर्थमंत्री निर्मला सीतारामन यांनी आज,शनिवारी १ फेब्रुवारीला केंद्रीय अर्थसंकल्प २०२४ संसदेत सादर केला.अर्थमंत्री म्हणून त्यांचा हा सलग आठवा अर्थसंकल्प आहे.अर्थसंकल्पात विविध क्षेत्रांसाठी अनेक घोषणा करण्यात आल्या आहेत. अर्थसंकल्पात वेगवेगळी उत्पादने आणि सेवा यांच्यावरील प्रत्यक्ष (डायरेक्ट) आणि अप्रत्यक्ष कर (इन-डायरेक्ट टॅक्स) मध्ये बदल करण्याची घोषणा केली.त्यामुळे काही उत्पादने स्वस्त होतील.तसेच नवीन करवाढीमुळे इतर उत्पादनांच्या किंमती वाढू शकतात.मुख्यत्वे कॅन्सर,ईव्ही या गोष्टींवरील कर कमी करण्यात आला आहे.अर्थसंकल्पीय भाषणाच्या सुरुवातीला अर्थमंत्री म्हणाल्या की, ‘आपण आर्थिक विकासाकडे वाटचाल करीत आहोत.हे बजेट देशाच्या आकांक्षा प्रतिबिंबित करते. ’ सीतारामन सलग आठव्यांदा सभागृहात अर्थसंकल्प सादर करीत आहेत,ज्यामध्ये त्यांनी यापूर्वी सहा पूर्ण आणि दोन अंतरिम अर्थसंकल्प सादर केले आहेत.अर्थमंत्र्यांनी असेही म्हटले की,आपण जगातील सर्वात वेगाने वाढणारी अर्थव्यवस्था आहोत.पंतप्रधान धनधान्य योजनेचा विस्तार केला जाईल.पीक विविधीकरणावर लक्ष केंद्रित केले जाईल.यामुळे कृषी उत्पादकता वाढेल,ज्याचा फायदा ७.५ कोटी शेतकऱ्यांना होईल.