आंधळीत जागतिक हिवताप दिन साजरा..

कुरखेडा(गडचिरोली):-जागतिक हिवताप दिनाचे औचित्य साधून आज,शनिवार २५ एप्रिल रोजी कुरखेडा तालुक्याच्या आंधळी येथे जागतिक हिवताप दिन उत्साहात साजरा करण्यात आला.यावेळी विद्यार्थ्यांनी व आरोग्य विभागाच्या वतीने गावात जनजागृती रॅली काढून “डासमुक्त गाव,निरोगी गाव” अशा घोषणांद्वारे नागरिकांमध्ये जागरूकता निर्माण केली.त्यानंतर,शाळेत मार्गदर्शन कार्यक्रम आयोजित करण्यात आला.दरम्यान, लसामुदायिक आरोग्य अधिकारी(सीएचओ)वानखेडे यांनी “आरोग्य संपन्न गाव समिती” चे महत्त्व स्पष्ट केले. तसेच बहुउद्देशीय आरोग्य कर्मचारी(MPW)सुरेंद्र गौतम यांनी स्वच्छता व डास नियंत्रणाबाबत मार्गदर्शन केले. कार्यक्रमाचे सूत्रसंचालन चावर यांनी केले,तर आभार प्रदर्शन नन्नावरे यांनी मानले.या उपक्रमासाठी महिला अधिकारी वानखेडे,सुरेंद्र गौतम,मुख्याध्यापक लाडे, म्हारस्कोल्हे,दीपाली कोडापे,भारती लाडे,वारके सिस्टर,अंगणवाडी सेविका उषा धूपजरे,आशा वर्कर कोकिता सयाम तसेच परिचालक नैताम यांचे विशेष सहकार्य लाभले.विशेषतः उपक्रमामुळे गावात हिवतापाबाबत जागरूकता वाढण्यास मदत झाली.