अबब….!बदली होताच; कार्यालयातील इतर साहित्त्या सोबतच चक्क टॉयलेटचा दरवाजाही गेला घेऊन – चंद्रपूर येथील अधिकाऱ्याचा कारनामा…

चंद्रपूर: – येथील स्थानिक गुन्हे शाखेत असलेल्या पोलीस अधिकाऱ्याचा कारनामा पाहून सर्वचजण चक्रावून गेले आहेत.चंद्रपुरात अडीच वर्षे स्थानिक गुन्हे शाखेत असलेल्या पोलीस अधिकाऱ्याची बदली मानव संसाधन विभागात झाली.अडीच वर्षात या अधिकाऱ्याने स्वतःच्या सोयी सुविधांसाठी काही वस्तू खरेदी केल्या होत्या.बदली झाल्यानंतर अधिकाऱ्याने काही वस्तू सोबत नेल्याच; मात्र चंद्रपूरच्या स्थानिक गुन्हे शाखेच्या कार्यालयातील खुर्ची-टेबल,एसी,पडदे आणि दिवे अशा सर्व गोष्टी आपल्यासोबत नेल्याने अनेकांना आश्चर्याचा धक्काच बसला.नवलाची बाब म्हणजे या अधिकाऱ्याने चक्क केबिनमधील टॉयलेटला लावलेला दरवाजाही सोबत घेऊन गेला. अनेक शासकीय कर्मचारी सहकाऱ्यांना, गावकऱ्यांना काहीना काही भेटवस्तू देऊन जातात.मात्र या अधिकाऱ्याची कृती सध्या सर्वत्र चर्चेचा विषय ठरत आहे.