अखेर लाडक्या बहिणींच्या फेब्रुवारी महिन्याच्या दीड हजाराची तारीख ठरली..!

उद्रेक न्युज वृत्त :-फेब्रुवारी महिना लोटूनही लाडक्या बहिणींच्या खात्यात दीड हजार रुपये जमा न झाल्याने

फेब्रुवारी महिन्याच्या हप्त्याबाबत संभ्रम निर्माण झाला होता.त्यातच फेब्रुवारी महिन्याचा हप्ता लाडक्या बहिणींच्या खात्यात जमा करण्यासाठीचा निधी हा वित्त विभागाकडून महिला व बालविकास विभागाकडे वर्ग करण्यात आला होता.पण काही तांत्रिक कारणांमुळे लाडक्या बहिणींना पैसा देण्यास उशीर झाल्याची माहिती समोर आली होती.अशातच आता लाडक्या बहिणींच्या खात्यात फेब्रुवारी महिन्याच्या दीड हजाराची तारीख ठरली असल्याची माहिती आज सोमवारी महिला व बालविकास मंत्री अदिती तटकरे यांनी स्पष्ट केली आहे.मंत्री अदिती तटकरे यांनी सांगितले की,८ मार्च रोजी शनिवार असला तरी त्या दिवशी महिला दिनानिमित्त विधिमंडळाचे विशेष सत्र आयोजित करण्यात आले आहे.तसेच मुख्यमंत्री माझी लाडकी बहीण योजनेतील लाभार्थी महिलांना फेब्रुवारी महिन्याचा लाभ हा महिला दिनाच्या पूर्वसंध्येला दिला जाणार आहे.त्याची प्रक्रिया ही तत्पूर्वी म्हणजेच ६ ते ७ मार्च या तारखेपासूनच करण्यात येणार आहे.त्यामुळे येत्या ८ मार्च रोजी सर्व पात्र लाभार्थी महिलांच्या खात्यात फेब्रुवारी महिन्याचे दीड हजार रुपये जमा होणार आहेत.