अखेर देसाईगंज नगराध्यक्ष पदासाठी काँग्रेसने उछल्ला सिक्का; वनिता नाकतोडेंना उमेदवारी.. – आज आमदार मसरामांच्या नेतृत्वात काँग्रेसची भव्य नामांकन रॅली..

देसाईगंज(गडचिरोली):-नगर परिषद सार्वत्रिक निवडणुकांच्या पार्श्वभूमीवर उमेदवारी अर्ज दाखल करण्याच्या शेवटच्या दिवशी म्हणजेच आज सोमवारी  देसाईगंज नगर परिषदेच्या नगराध्यक्ष पदासाठी काँग्रेसने सिक्का उछचत वनिता अशोक नाकतोडे यांना उमेदवारी जाहीर करून आमदार रामदास मसराम यांच्या नेतृत्वात काँग्रेसच्या वतीने भव्य नामांकन रॅलीचे आयोजन करून उमेदवारी अर्ज दाखल करण्यात आला.तसेच नगरसेवक पदासाठी सर्व उमेदवारांनीही आपले उमेदवारी अर्ज दाखल केले.रॅलीत पक्षाचे अधिकृत चिन्ह हाताचा पंजा असलेले बॅनर,तिरंगी झेंडे आणि घोषणांनी परिसर दुमदुमून गेला होता.आज सकाळच्या सुमारास हटवार मंगल कार्यालयापासून निघालेली भव्य रॅली नगर परिषद कार्यालयापर्यंत उत्साहात पार पडली.रॅलीत आमदार मसराम यांचेसह काँग्रेसचे प्रमुख पदाधिकारी,महिला वर्ग,युवक,कार्यकर्ते आणि समर्थकांनी मोठ्या संख्येने हजेरी लावली होती. रॅलीद्वारे काँग्रेसने जनतेसमोर संघटनेची ताकद,एकजूट आणि विकासाची वचनबद्धता प्रदर्शित केली.या प्रसंगी आमदार मसराम यांनी नगर परिषद निवडणुकीत जनतेच्या विश्वासावर यश संपादन करून देसाईगंजच्या सर्वांगीण विकासासाठी प्रयत्नशील राहण्याची ग्वाही दिली.