सुरबोडी येथील कर्मवीर कन्नमवार हायस्कूलच्या विद्यार्थ्यांनी खो-खो स्पर्धेत जिल्हा स्तरावर मारली मजल…

ब्रम्हपुरी(चंद्रपूर):-ब्रम्हपुरीच्या क्रीडा संकुल मैदान या ठिकाणी नुकतीच तालुकास्तरीय विद्यार्थ्यांची सांघिक शालेय बाल क्रीडा पार पडली.त्यामध्ये ब्रम्हपुरी तालुक्याच्या सुरबोडी येथील कर्मवीर कन्नमवार हायस्कूल तथा कनिष्ठ महाविद्यालयाच्या १४ वर्षाखालील मुलांनी खो-खो क्रीडा स्पर्धेत प्रथम क्रमांक पटकवून जिल्हा स्तरावर मजल मारली आहे.

संघाचे क्रीडा प्रशिक्षक तथा शिक्षक माकडे यांनी विद्यार्थ्यांना उत्तमरित्या प्रशिक्षित केल्यामुळे तसेच विद्यार्थ्यांनी उत्तम खेळाचे प्रदर्शन दाखवीत विजय मिळवता आला आहे.शालेय विद्यार्थ्यांनी स्पर्धेत अटीतटीच्या सामन्यात अगदी कमी वेळात खेळाडू बाद करून विजय संपादन केला असल्याने विद्यालयाचे मुख्यध्यापक गांगाधर पिलारे यांनी संपूर्ण खेळाडूंचे त्याचप्रमाणे सर्व मार्गदर्शक गुरुजनांचे  अभिनंदन केले.या प्रसंगी विद्यालयातील सर्व शिक्षक, शिक्षिका,शिक्षकेत्तर कर्मचारी यांनी विजयी चमुचे पुष्पगुच्छ देऊन अभिनंदन करीत पुढील स्पर्धेसाठी शुभेछ्या दिल्या.