ब्रम्हपुरीत धावत्या रेल्वे गाडी समोर एकाने मारली उडी..!

ब्रम्हपुरी(चंद्रपूर):-एका ७८ वर्षीय वृद्धाने धावत्या रेल्वे गाडी समोर येत उडी घेऊन आत्महत्या केल्याची घटना काल बुधवारच्या सायंकाळी ब्रम्हपुरी शहरातील पॉलिटेक्निक मैदानासमोरील रेल्वे रुळावर घडली. बाजीराव तुकाराम कामडी वय ७८ वर्षे,रा.खेड मक्ता, ता.ब्रम्हपुरी,जि.चंद्रपूर असे मृतक वृद्धाचे नाव आहे.

ब्रम्हपुरी शहरापासून अवघ्या हाकेच्या अंतरावर असलेल्या खेड मक्ता येथील बाजीराव कामडी सायंकाळच्या सुमारास घरी कुणाला काहीही न सांगता घराबाहेर पडले होते.दरम्यान,सायंकाळी त्यांनी धावत्या रेल्वे समोर उडी घेऊन जीवनयात्रा संपवली.घटनेची माहिती मिळताच ब्रम्हपुरी पोलिसांनी घटनास्थळ गाठत मृतदेहाचा पंचनामा करून कुटुंबीयांना कळवले.घटनेने परिसरात हळहळ व्यक्त केली जात आहे.अश्यातच बाजीराव यांनी आत्महत्या कां केली? हे अद्याप गुलदस्त्यात असून याबाबतचा तपास पोलिसांनी सुरू केला आहे.