वळण घेतांना चालकाचे नियंत्रण सुटले.. – सहल बस खड्ड्यात कोसळून १५ वर्षीय विद्यार्थीनीचा मृत्यू तर १० विद्यार्थी गंभीर जखमी..

सरस्वती माध्यमिक विद्यालयाच्या पाच बसेस विद्यार्थ्यांना घेऊन वर्धा जिल्ह्यातील बोरधरण येथे जात असतांना एक बस देवळी परिसरात खड्ड्यात कोसळली.अपघाताची माहिती मिळताच विद्यार्थ्यांच्या पालकांनी एम्स रुग्णालयात धाव घेतली.अनेक पालक सकाळी रुग्णालयात पोहोचले.आपापल्या मुलाची विचारणा शिक्षकांना करीत होते.त्यामुळे रुग्णालयातही गोंधळ उडाला होता.हिंगणी रस्त्यावरून कवडसकडे जाताना पेंढरी देवळी गावाजवळ अपघातप्रवण वळण आहे.या वळणावर गेल्या तीन वर्षात २८० पेक्षा जास्त अपघात झालेले आहेत.तर गेल्या महिन्यात ८ अपघात झाले आहेत. हा वळण रस्ता सरळ करण्यासाठी गावकऱ्यांनी वारंवार निवेदने देऊन प्रयत्न केले आहे. परंतु, सार्वजनिक बांधकाम विभाग आणि वन विभाग यांच्यात वाद सुरू आहे. त्यामुळे या रस्त्याच्या दुरुस्तीचे काम रखडलेले आहे. ‘हा रस्ता दुरुस्त करावा,अन्यथा रस्ता बंद करू’ असा आक्रमक पवित्रा पेंढरी-देवळी गावकऱ्यांनी घेतला आहे.