महाराष्ट्र विधानपरिषदेच्या निवडणुकांचा बिगुल वाजला.. -शिक्षक-पदवीधर मतदार संघात कोण मारणार बाजी?

उद्रेक न्युज वृत्त :-महाराष्ट्र विधानपरिषदेच्या निवडणुकांचा बिगुल आज,मंगळवार २२ सप्टेंबर रोजी निवडणूक आयोगाने जाहीर केला.त्यानुसार,तीन पदवीधर आणि दोन शिक्षक मतदारसंघांच्या निवडणुकीची अधिकृत घोषणा करण्यात आली आहे. मुदत संपणाऱ्या पाचही आमदारांचा कार्यकाळ अंतिम टप्प्यात आला आहे.यामध्ये नागपूर पदवीधर मतदार संघाचे अभिजीत गोविंदराव वंजारी(काँग्रेस),पुणे पदवीधर मतदार संघाचे अरुण गणपती लाड(राष्ट्रवादी काँग्रेस शरद पवार गट),औरंगाबाद पदवीधर मतदार संघाचे सतीश भानुदास चव्हाण(राष्ट्रवादी काँग्रेस शरद पवार गट)या तीन पदवीधर प्रतिनिधींचा समावेश आहे. तर अमरावती शिक्षक मतदार संघाचे किरण रामराव सरनाईक (शिवसेना शिंदे गट)व पुणे शिक्षक मतदार संघाचे जयंत दिनकर आसगावकर(काँग्रेस)या दोन शिक्षक प्रतिनिधींचाही कार्यकाळ संपत आल्याने निवडणूक कार्यक्रम जाहीर करण्यात आला आहे.त्यानुसार,निवडणुकीसाठी अर्ज प्रक्रिया २९ सप्टेंबरपासून सुरू होणार आहे.तर २३ ऑक्टोंबर रोजी मतदान व २७ ऑक्टोंबर २०२६ रोजी निकाल लागून पदवीधर आणि शिक्षकांचा कौल स्पष्ट होणार आहे.