मजुरीचे पैसे डबल करण्याच्या नादात जुगारात हरला आणि आयुष्याची दोरच कापली..

नागपूर :-आई व मुलाने हप्ताभर काम केले.हप्ताभर काम केल्यानंतर दोघांनाही रविवारी मजुरीचे पैसे मिळाले.पैसे मुलाकडेच असल्याने त्याने डबल करण्याचा विचार केला.त्यानुसार तो जुगार खेळण्यासाठी एका अड्ड्यावर गेला.अश्यातच मोल मजुरी करून कमविलेली संपूर्ण रक्कम त्याने जुगारात गमावली. त्यातच तो तणावात गेला आणि आयुष्याची दोराच कापली.शुभम अशोक बोबडे वय २६ वर्षे,रा. पोटा,ता.सावनेर,जि.नागपूर असे गळफास घेत आत्महत्या केलेल्या तरुणाचे नाव आहे.सदरची घटना सावनेर तालुक्याच्या खापरखेडा पोलिस ठाण्याच्या हद्दीतील पोटा गावात काल सोमवारी सायंकाळच्या

सुमारास उघडकीस आली.

माहितीनुसार,घटनेच्या दिवशी शुभमची आई सावनेरला गेली होती,तर वडील बकऱ्या चरण्यासाठी बाहेर गेले होते.शुभम व त्याची आई मजुरीचे काम करतात.रविवारी त्यांना मजुरीची रक्कम मिळाली होती.दोघांच्या मजुरीची रक्कम शुभमकडेच होती.त्यामुळे तो तालुक्यातीलच सिल्लेवाडा येथील वेकोलि गार्डनजवळ असलेल्या झुडपात पैसे डबल करण्यासाठी जुगार खेळायला गेला होता.जुगारात संपूर्ण रक्कम हरल्याने तो तणावात होता.याच तणावात त्याने राहत्या घरी छताला दुपट्टयाच्या मदतीने गळफास लावून घेत आत्महत्या केली. सायंकाळी आई,वडील घरी आल्यावर त्यांना शुभम लटकलेल्या अवस्थेत दिसला.माहिती मिळताच पोलिसांनी घटनास्थळ गाठून पंचनामा केला व मृतदेह उत्तरीय तपासणीसाठी पाठविला.घटने प्रकरणी पोलिसांनी अकस्मात मृत्यूची नोंद केली.