फरार शिक्षक सापडले; दोघांना १४ दिवसांची न्यायालयीन कोठडी – अल्पवयीन विद्यार्थिनीचे विनयभंग प्रकरण

चंद्रपूर :-वरोरा शहरातील नामांकित विद्यालयातील शिक्षकांनी वाढदिवसानिमित्त बोलावून एका अल्पवयीन विद्यार्थिनीचा विनयभंग केल्याची घटना शुक्रवारी उघडीस आली होती.या प्रकरणातील आरोपी धनंजय पारके व प्रमोद बेलेकर यांना पोलिसांनी अटक करून काल,शनिवारी ३१ऑगस्टला न्यायालयात हजर केले असता न्यायालयाने त्यांना १४ दिवसांची न्यायालयीन कोठडी सुनावली आहे. आरोपींविरोधात वरोरा पोलिस स्टेशन येथे दाखल झालेल्या विनयभंगाच्या गुन्ह्यात (अप क्र.६११/२४) अनुसूचित जाती आणि अनुसूचित जमाती (अत्याचार प्रतिबंध) कायदा, १९८९ अंतर्गत कलम वाढ करून कलम ३ (१) (w) (i) (ii) व ३ (२) (va) चा समावेश करण्यात आला आहे.या आरोपींना पोलिस बंदोबस्तात चंद्रपूरला रवाना करण्यात आले असून गुन्ह्याचा पुढील तपास उपविभागीय पोलिस अधिकारी निओमी साठम यांच्या मार्गदर्शनात वरोरा पोलिस करीत आहेत.