दोन हजार रुपये देतो; मला एक चुंबन दे..! – शिक्षकाकडून शाळेतील शिक्षकाच्या पत्नीचा विनयभंग; गुन्हा दाखल..

गोंदिया :-शाळेतील शिक्षकाने चक्क त्यांच्याच शाळेत शिक्षक असलेल्या शिक्षकाच्या घरी जाऊन पत्नीचा विनयभंग केल्याची घटना उघडकीस आल्याने शिक्षण क्षेत्रासह पालकांमध्ये खळबळ उडाली आहे.

एका नामांकित विद्यालयाच्या एका शिक्षकाने शाळेतीलच एका शिक्षकाच्या पत्नीचा विनयभंग केल्याची घटना शनिवारी घडली.शिक्षकाच्या पत्नीच्या तक्रारीवरून देवरी पोलिसांनी गुन्हा दाखल केला असून आरोपी शिक्षक प्रकाश परशुरामकर याच्यावर विनयभंगाचा गुन्हा दाखल केला आहे.

शिक्षण क्षेत्रात एकीकडे गुड टच आणि बॅड टचचे धडे दिले जात आहेत.तर दुसरीकडे एका शिक्षकाकडूनच

आपल्या शाळेतील शिक्षकाच्या पत्नीचा विनयभंग केल्याची घटना देवरी येथे घडली.या संतापजनक प्रकारामुळे शिक्षण क्षेत्रात आणि पालकांमध्ये एकच खळबळ उडाली आहे.माहितीनुसार,आरोपी शिक्षक प्रकाश परशुरामकर हा मागील काही वर्षापासून देवरी येथील एका विद्यालयात शिक्षक म्हणून कार्यरत आहे.

या शिक्षकाने शाळेतीलच एका शिक्षकाच्या घरी जाऊन त्याच्या पत्नीला दोन हजार रुपये देतो; मला एक चुंबन दे,अशा प्रकारचे लज्जासपद कृत्य करून तिचा विनयभंग केला.याविषयीची फिर्याद पीडित महिलेने दिली आहे.तक्रारीवरून शिक्षकाविरुद्ध देवरी पोलिस स्टेशनमध्ये गुन्हा दाखल झाला असून देवरी पोलिसांनी अपराध क्रमांक ५३/२५ भारतीय न्याय संहिता ७५ (२)७९ या कलमांतर्गत आरोपी शिक्षक प्रकाश परशुरामकर याच्याविरुद्ध विनयभंगाचा गुन्हा दाखल केला आहे.घटनेचा पुढील तपास सहाय्यक पोलिस निरीक्षक गीता मुळे या करीत आहेत.