कोरोना काळातील केस डीसमिस; महसूलमंत्री चंद्रशेखर बावनकुळे यांचेसह सर्व निर्दोष..

नागपूर :-संपूर्ण देशात कोरोना लॉकडाऊन लागू असतांना बावनकुळे व इतरांनी ओबीसी आरक्षणाकरिता तत्कालीन महाविकास आघाडी सरकारच्या विरोधात ३१ मे २०२१ रोजी सकाळी १० ते ११ वाजेपर्यंत संविधान चौकामध्ये आंदोलन केले होते.ओबीसी समाजाला २७ टक्के राजकीय आरक्षण मिळालेच पाहिजे,अशी मागणी करत सरकारविरुद्ध घोषणा दिल्या होत्या.त्यामुळे सीताबर्डी पोलिसांनी बावनकुळे व इतरांविरुद्ध कायदेशीर आदेशाचे उल्लंघन,संसर्गजन्य आजार पसरवणारी कृती इत्यादी गुन्ह्यांतर्गत एफआयआर नोंदविला होता; तसेच १७ जुलै २०२३ रोजी न्यायालयात खटला दाखल केला होता; परंतु एकाही आरोपीवरील गुन्हे सिद्ध होऊ शकले नाही.प्रकरणी महसूलमंत्री चंद्रशेखर बावनकुळे,आमदार कृष्णा खोपडे,आमदार समीर मेघे,आमदार प्रवीण दटके,माजी आमदार विकास कुंभारे,माजी आमदार टेकचंद सावरकर यांच्यासह इतर सर्व आरोपींना ठोस पुराव्यांअभावी प्रथम श्रेणी न्याय दंडाधिकारी एन.एन.चिंतामणी यांनी निर्दोष मुक्त केले आहे.