कंत्राटी कनिष्ठ अभियंत्यासह ग्रामपंचायत शिपाई व खासगी व्यक्ती अडकला एसीबीच्या जाळ्यात… – घरकुल बांधकाम अनुदानातून मागितली १० हजाराची लाच…

तक्रारदार शेतमजुरी करीत असून त्यांना प्रधानमंत्री आवास योजनेंतर्गत घरकूल मंजूर झाले.दरम्यान, घरकुलाच्या अनुदानाचा पहिला हप्ता १५ हजार रुपये त्यांच्या खात्यात वळती झाल्याचे आरोपी धनंजय तांडेकर याने तक्रारदाराला कळविले.या आधारावर त्यांनी घरकुलाचे बांधकाम चालू केले व पायाभरणीचे काम पूर्ण झाल्यानंतर धनंजय तांडेकर यास कळविले. यानंतर २७ नोव्हेंबर २०२४ रोजी कंत्राटी गृहनिर्माण अभियंता प्रमोद उपवंशी व ग्रामपंचायत शिपाई धनंजय तांडेकर यांनी तक्रारदाराच्या घरी जाऊन घराच्या बांधकामाचे फोटो काढले.तक्रारदाराच्या मुलाला घरकुलाच्या अनुदानाची उर्वरित रक्कम वर्ग करणार असून त्याच्या मोबदल्यात १० हजार रुपयांची मागणी केली.२१ डिसेंबरला तक्रारदाराला फोन करून अनुदानाच्या दुसऱ्या हप्त्याचे ७० हजार खात्यात वर्ग केल्याचे सांगून १० हजार रुपये तांडेकर याच्याकडे देण्यास सांगितले होते.त्यानुसार लाचलुचपत प्रतिबंधक सापळा रचून रंगेहाथ पकडले.सदर कारवाई लाचलुचपत प्रतिबंधक विभाग नागपूर परिक्षेत्राचे पोलिस अधीक्षक डॉ.दिगंबर प्रधान,अप्पर पोलिस अधीक्षक सचिन कदम,संजय पुरंदरे, पर्यवेक्षक अधिकारी पोलिस उपअधीक्षक विलास काळे यांच्या मार्गदर्शनात पोलिस निरीक्षक उमाकांत उगले,सहाय्यक फौजदार चंद्रकांत करपे,पोलिस हवालदार संजय कुमार बोहरे,मंगेश काहालकर, नायक पोलिस शिपाई संतोष शेंडे,संतोष बोपचे, अशोक कापसे,प्रशांत सोनेवाणे,महिला नायक पोलिस शिपाई संगीता पटले,रोहिणी डांगे,चालक नायक पोलिस शिपाई दीपक बाटबर्वे यांनी केली.